Skip to main content

‘Pag may tahong, may sagot

UMUUSOK pa ang higit sandosenang tahong nang ihain sa harap. Malasado lang—na tahasang hinihiling sa mag-iihaw. Bahagyang nakabuka ang takip para hindi lubusang lantad ang malarosas na laman. Masining na nakahanay sa dahon ng saging na isinapin sa lalagyang munting bilao. Pumailanlang at humaplos sa ilong ang sanghaya ng tabsing, ng tubig-alat na pinagmulan.

“Bakit ba ang hilig mo sa tahong?” untag ng naglapag sa hapag ng pulutan. Kasunod ang paglapag-himas ng kamay nito sa isang hita ng sumisimsim ng Cerveza Negra. Totoo talaga ang kasabihan. The hand is faster than the thigh.

Muntik mapaigtad sa mainit-init na dampi ng laman ng kausap. Nagtimpi’t nagpaliwanag: “Pampatigas daw. Saka masarap. Mura pa. Ganitong ganito pa ang hitsura ng malinamnam na… basta malinamnam din.”

“Hindi totoo ‘yan. Ba’t wala pa ‘kong nararamdamang tumitigas?”

Inilawit ang dila: “’Ta’mo naninigas na nga ‘tong dila ko. Epekto sa pagkain ng tahong.”

Napangiti ang mata ng serbidora sa tinuran. Maharot at nanunukso ang ngiti sa labi, ay, luv ya majora… “Mas masarap ang tahong ko.”

“Baka masaid lang ang katas ng tahong mo kapag sinisid ko ‘yan,” maagap na sukli sa pakli na tila may kung anong patutunguhan.

“Marunong kang sumisid doon?”

“Basta walang red tide, ha?”

Humagikgik ang gaga, parang inaantok na ang mga matang nagpapatianod sa anumang patutunguhan ng biruan. Tuloy tuloy na siguro. Diretsahan na’t mauuwi sa biglang liko. Kung baga sa dinamita, tahong ang mitsa. Masisindihan. Sasagitsit para sa inaasaha’t hindi mapipigil na putukan.

“O ano?” hamon ng naghain.

“Ikaw. Baka mapasubo ka,” iglap na salag.

“Isusubo ko talaga!”

Mangungunyapit ang tahong sa anumang makakapitan nito. Mismong mga himulmol sa tila nakangangang bunganga ang ilalapat na mahigpit sa anumang makakapitan. Maaaring tipak ng bato, tulos ng kawayan o sampayang lambat. Ibubukaka ang kakatwang bibig para sumagap ng samut-saring pantustos-buhay—karaniwang detritus o mga mumunting tipak ng organikong basura para maitawid ang gutom.

Comments

Popular posts from this blog

Every single cell of my body's happy

I got this one from Carmelite Sisters from whose school three of my kids were graduated from. They have this snatch of a song that packs a fusion metal and liebeslaud beat and whose lyrics go like this:

"Every single cell of my body is happy. Every single cell of my body is well. I thank you, Lord. I feel so good. Every single cell of my body is well."

Biology-sharp nerds would readily agree with me in this digression... Over their lifetimes, cells are assaulted by a host of biological insults and injuries. The cells go through such ordeals as infection, trauma, extremes of temperature, exposure to toxins in the environment, and damage from metabolic processes-- this last item is often self-inflicted and includes a merry motley medley of smoking a deck a day of Philip Morris menthols, drinking currant-flavored vodka or suds, overindulgence in red meat or the choicest fat-marbled cuts of poultry and such carcass.

When the damage gets to a certain point, cells self-destruct. T…

Singkamas

MAYAMAN pala sa tinatawag na phytochemicals o sangkap na panlaban sa samut-saring sakit ang singkamas—na sa alias nito sa Latin ay talagang kahindik-hindik na ang dating, Pachyrhizus erosus. Tunog erotikong suso sa dulo.

Jicama ang pangalan nito sa pinagmulang lupalop. Mula pa Mexico, nakarating sa ating pampangin nitong kasagsagan ng kalakalang Manila-Acapulco. Jicama. Sumablay ang bigkas dahil kasintunog ng “higa kama.” Nabalbal. Naging singkamas sa ating wika.

Pampigil sa salakay ng kanser, pampababa ng antas ng masamang cholesterol sa dugo, likas din na antibiotic o pamuksa ng mikrobyo sa katawan. Pampalakas sa likas na panlaban ng katawan kontra sakit. Anti-oxidant o pampahupa sa pagiging amoy-lupa. Karaniwan ding gamit na sangkap sa siomai at lumpia.

Hubad na lumpia! Opo, hindi hubo’t hubad ang tawag sa naturang lutuin. Hubad lang. Masarap kung may kalahok pang budbod na mani.

Kaya nakagawian nang talupan ng mga hayok. Ilalantad ang kinis-labanos na laman na pinipithaya (kahu…

KASI NANLABAN