Skip to main content

Probing for sense organs and sex organs

TUMATABO raw si Ama ng may P300 araw-araw noong P16 lang ang minimum wage. Wala pang 500 metro parisukat ang kanyang gulayan. Talong, upo, at mais lang ang pananim.

Ni hindi nga pambenta ang mais. Panlahok lang daw sa suwam at nilagang baka. Sabaw pa lang ulam na. Matingkad kasi ang linamnam ng kapipitas na mais.

Wala raw sa 12 tudling ang upo samantalang mga 20 hanay ang talong, siyam na puno bawat hanay. Madaling araw pa lang, sagsag na sa kanyang gulayan ang dalawa o tatlong mamamakyaw. Hahango ng talong para dalhin naman nila sa Divisoria.

Matapos makaalis ang mga mamimili, masinsinan nang pakikipagniig sa mga halaman. Baka nga pakikipagtalastasan. Pingkian daw at palitang-kaalaman ng magkaibang uri ng anyong-buhay o life form. Parang French kiss na sabay na magpupuluputan-sipsipan-higupan ng hininga. Sa madaling sabi: Symbionts na magkasabwat sa symbiosis o pagsasalo ng biyaya’t pakinabang para kapwa mabuhay. Alam ng mga masugid na sumubaybay kay Peter Parker alias Spiderman ang katuturan ng salitang symbiont. Buhay na kasuotan sa katawan ni Spiderman sina Venom at Carnage na kapwa kahila-hilakbot ang lakas at kapangyarihan.

Payak lang ang pamantayan ni Ama sa mga nais niyang makatalastasan. Basta maipagmamalaki daw niya ang katangiang taglay ng kausap, tiyak na kagigiliwan niya. Sagrado raw kasi ang sining ng komunikasyon. Halaw daw ang komunikasyon sa sinaunang kataga na ang katuturan ay piging ng isang pangkat na liwanag ang pinagsasaluhan. Hindi nawawaglit sa ganoong katuturan ang symbiosis.

Naihayag daw minsan ng henyo sa paghahalamang si Luther Burbank na mahigit 20 ang sense organs ng halaman.

Lima lang ang sense organs ng tao. Marami pa nga ang bulag o sulipat ang paningin, barubal at garapal ang panlasa, manhid ang pakiramdam. Marami na ngang bingi kaya pambulahaw sa patay ang dagundong ng tugtog sa Pier 1 o kauring bahay-inuman at videoke joints kaya kahit na magsigawan para mag-usap lang hindi pa rin magkarinigan. Marami rin ang barado o burado na ang pang-amoy, kahit sanlinggo nang hindi naliligo o naglublob sa limang baldeng deodorant, pilit makikihalo sa mga pasahero para magsaboy ng lagim.

‘Yun daw 20 sense organs na natukoy ni Burbank ang pilit inaalam ni Ama sa kanyang paulit-ulit na panayam sa mga halaman. Hanggang ngayon. The communication is mostly conducted in silent mode, the secrets revealed wordlessly to the communicants.

Anuman ang hiwagang natuklasan, nakahiligan din daw niyang tuklasin sa pamamagitan ng kanyang talong ang mga hiwaga ng hiwa—sex organ daw ang tawag do’n.

Comments

Post a Comment

Popular posts from this blog

ALAMAT NG TAHONG

SAKBIBI ng agam-agam sa kalagayan ng butihing kabiyak-- at kabiyakan, opo-- na nakaratay sa karamdaman, ang pumalaot na mangingisda ay napagawi sa paanan ng dambuhalang Waczim-- isang bathala na nagkakaloob sa sinuman anumang ibulwak ng bibig mula sa bukal ng dibdib. Pangangailangan sa salapi na pambili ng gamot ng kapilas-pusong maysakit ang nakasaklot sa puso ng matandang mangingisda. 'Di kaginsa-ginsa'y bumundol ang kanyang bangka sa paanan ng Waczim. Kagy at umigkas ang katagang kimkim noon sa kanyang dibdib: "Salapi!" Bumuhos ng salapi-- mga butil at gilit ng ginto-- mula papawirin. At halos umapaw sa ginto ang bangka ng nagulantang na mangingisda, walang pagsidlan ang galak, at walang humpay ang pasasalamat sa mga bathala. Nanumbalik ang kalusugan ng kabiyak ng mangingisda. At lumago ang kabuhayan, naging mariwasa ang magkapilas-puso na dating maralita. Nilasing ng kanyang mga dating kalapit-bahay ang mangingisda-- na hindi ikina...
Post a Comment
Read more

Cal y canto con camote

FENG shui (literally, wind water flow) lore has it root crops embody a hidden store of treasures. Say, a local food conglomerate needs yearly 35,000 metric tons of cassava for livestock feed-- the available local supply falls short of 13,000 tons. Cassava granules sell for around P9 a kilo. Demand for the same root crop to be used in liquor manufacturing is hitting above the roof. Why, raising cassava is a no-brainer task— this is one tough crop that can grow in the most hostile patches of earth, providing sustenance for ages to dwellers in sub-Saharan parts of Africa. While the hardy cassava is nearly pure starch, the lowly sweet potato or kamote is considered by nutritionists as a super food, the most nutritious of all vegetables— kamote levels of Vitamin A are “off the charts, rich in antioxidants and anti-inflammatory properties.” A fist-sized kamote can supply a day’s dose of glucose to fuel the brain, muscles, and organs, so they claim. Count the country lucky...
Post a Comment
Read more

Wealth garden

‘TWAS CRUEL as smashing a budding green thumb: some years back, an abuela warned me about letting any clump of katigbi (Job’s tears or Coix lachrymal jobi for you botanists) from growing in our homeyard. That grass with rapier-like leaves that smelled of freshly pounded pinipig supposedly invited bad luck and sorrows—why, that biblical character Job wailed and howled a lot, didn’t he? (But was later rewarded with oodles of goodies, wasn’t he?) Then, I came across some arcane text that practically goaded folks to grow katigbi in their gardens—why, there’s a starchy kernel wrapped shut in the seed’s shiny coat. A handful or more of kernels could be cooked as porridge. Too, one could whisper a wish upon seven seed pods, throw ‘em pods in running water—a river or stream—and the wish would be granted! I was warned, too, about planting kapok or talisay trees right in the homeyard—these trees form a cross-like branching pattern. Pasang-krus daw ang bahay na kalapit sa puno ng kapok, tal...
Post a Comment
Read more