Skip to main content

Labas sa kuwarta o kahon

KULANGOT man ang sosyo sa Hacienda Luisita nina Presidentita Cory at mga anak, simbigat ng batong ilohan— a huge carabao-driven stone cane-crusher—ang nasabit sa kanilang leeg… ipinagduduldulan ng mga Kaliwa’t Saliwa dapat ipamahagi na ang sugar hacienda ng angkang Cojuangco sa mga nagsasaka nito bilang pangunahing halimbawa ng pagpapatupad sa repormang pansakahan… na hindi nagawa ni Tita Cory, malayong maipatupad nina Noynoy at mga kapatid.

Kukutuban… mga Kaliwa’t Saliwa ang kapural nang harangan at tulusan ng mga bandilang pula ang bukana ng Hacienda Luisita noong Nobyembre 16, 2004—nauwi sa ratratan, 12 humarang pati dalawang bata ang nasawi, daan ang nasaktan… walang nasakote sa mga rumatrat… sinisi ni Noynoy ang mga humarang… nabanggit na karamihan sa mga nasawi ay hindi naman namamasukan sa Luisita… baka minumulto pa rin sila ng mga iyon.

Langib ng sugat na natuklap, dumugo uli ang Luisita sa kaigtingan ng kampanya… sabit sa balag ng alanganin ang Noynoy, naungkat ang hindi matuloy na balak na kumalas sa Luisita… ipagbili sa sinumang interesado ang kanilang katiting na sosyo… maybe execute a deed of donation of such shareholdings to my sugar from Capas, Tarlac-- sweet Dang Pineda… lunas na de-kahon, they ought to think out of the box… and decisions borne of political will-- like charity-- begins at home… they have yet to begin.

Bakit kasi kung kailan namamayagpag na sa kampanya, saka sumusulpot ang ganitong sabit… na kung ilang ulit nakaligtaan… o sadyang nakakalimutan… o talagang hindi inaasikaso. Kaya natetengga. ‘Tapos biglang-bigla. Sasalampak na tila ensaymada ng kalabaw sa sariling mukha.

‘Hirap talaga magpalusot. ‘Hirap ding makalusot.

Possessions possess possessor. Mahirap kumalas, lalo na ngayong saliwa na rin ang takbo ng klima— the hideous reality of global warming that continually wreaks havoc on crop and livestock yields… so sugar prices are on an unprecedented upswing owing to global production shortfalls plus dire fact that artificial sweeteners are murderous to your health… so sugar-derived profits can be sweeter this time… so would Noynoy yield “a little over 2% of hacienda shares” to cozy up to aggie nitpickers?

Pawang mga kapatid ni Tita Cory ang may hawak sa 70% ng Hacienda Luisita, Inc. Ipinamigay na nila ang 30% sosyo sa mga magsasaka ng Luisita sa pamamagitan ng stock distribution scheme.

Tinga na lang ang maililimos ni Noynoy… kung sakaling tutuparin niya ang ipinahayag na bibitiwan ang Luisita… bakit hindi naisipang ibenta na lang ang konting sosyo sa majority shareholders para mawala ang kargo de konsiyensiya’t bagahe sa pulitika?

Matinding pagbraso ang kailangan niyang gawin sa kaangkan para isalong nila ang 6,435-hectare plantation estate sa repormang sakahan. Ubrang gayahin si Money Villar… kudkurin ng bulldozer, gawakin ang mga pananim… tayuan ng subdivision for quick short-term windfall.

‘Hirap tugunan sa hokus-pokus na pangako ang mga suliranin sa sakahan… Noynoy has yet to come to grips with aggie woes in his own backyard. It won’t likely be any better for him tackling such on a nationwide scale.

Comments

damdamn said…
Manong, marahil hindi ako ang unang nag sabi na nito, pero napakahusa nyo pong mag sulat. Magbabasa pa po ako ng mga gawa nyo. Mainam at nadampi ako sa munting bahay nyo dito sa blogger.com

Popular posts from this blog

Every single cell of my body's happy

I got this one from Carmelite Sisters from whose school three of my kids were graduated from. They have this snatch of a song that packs a fusion metal and liebeslaud beat and whose lyrics go like this:

"Every single cell of my body is happy. Every single cell of my body is well. I thank you, Lord. I feel so good. Every single cell of my body is well."

Biology-sharp nerds would readily agree with me in this digression... Over their lifetimes, cells are assaulted by a host of biological insults and injuries. The cells go through such ordeals as infection, trauma, extremes of temperature, exposure to toxins in the environment, and damage from metabolic processes-- this last item is often self-inflicted and includes a merry motley medley of smoking a deck a day of Philip Morris menthols, drinking currant-flavored vodka or suds, overindulgence in red meat or the choicest fat-marbled cuts of poultry and such carcass.

When the damage gets to a certain point, cells self-destruct. T…

Singkamas

MAYAMAN pala sa tinatawag na phytochemicals o sangkap na panlaban sa samut-saring sakit ang singkamas—na sa alias nito sa Latin ay talagang kahindik-hindik na ang dating, Pachyrhizus erosus. Tunog erotikong suso sa dulo.

Jicama ang pangalan nito sa pinagmulang lupalop. Mula pa Mexico, nakarating sa ating pampangin nitong kasagsagan ng kalakalang Manila-Acapulco. Jicama. Sumablay ang bigkas dahil kasintunog ng “higa kama.” Nabalbal. Naging singkamas sa ating wika.

Pampigil sa salakay ng kanser, pampababa ng antas ng masamang cholesterol sa dugo, likas din na antibiotic o pamuksa ng mikrobyo sa katawan. Pampalakas sa likas na panlaban ng katawan kontra sakit. Anti-oxidant o pampahupa sa pagiging amoy-lupa. Karaniwan ding gamit na sangkap sa siomai at lumpia.

Hubad na lumpia! Opo, hindi hubo’t hubad ang tawag sa naturang lutuin. Hubad lang. Masarap kung may kalahok pang budbod na mani.

Kaya nakagawian nang talupan ng mga hayok. Ilalantad ang kinis-labanos na laman na pinipithaya (kahu…

KASI NANLABAN