Skip to main content

Sinantukak


NAUNGKAT sa pagsasangla ng kaluluwa ni Faust sa diyablo kung ano ang mas mabilis umigkas kaysa 300,000 kilometro bawat segundo—ang tulin ng liwanag. Isip daw.

Balikan ang m = E/c2, masisipat na mas mabilis palang makapagbawas ng bulto ng bigat (mass) kung ibibigkis ang isip sa liwanag… kaya yata naging labaha sa nipis ang tabas ng katawan nina Siddharta at Hesukristo matapos paigkasin at ibigkis ang isip sa liwanag…

Magandang halimbawa ‘yan para sa mga ibig magbawas ng timbang at naghahangad mapaganda’t maging katakamtakamtakam ang hubog o hubong katawan.

Lintik naman sa tindi ang iigkas na enerhiya o lakas kapag magkaniig ang kahit konting bigat (m) at magkabigkis na bilis ng isip/liwanag (c), o E = mc2.

Aikido, qigong, wuyiquan, taiqiquan, shorin-ryu karatedo… pulos nakasalalay sa mahigpit na gagap sa mga batas ng physics—isa sa mga kinagigiliwan kong aralin hanggang ngayon, walang humpay sa tangka na ibigkis ang isip at liwanag.

In the 1920s, researchers at Springfield College in Springfield, Massachusetts caught a number of frogs, tied up one of their legs. In two weeks, the bound legs had grown bulkier and stronger.

Nakabigkis ang isang paa, nagpumilit ang palaka na igalaw ito… and it must have taken all pent-up, wound-tight energies of mind and body to cause a bound leg to stir.

Talagang kapag pinigil, manggigigil.

Nang makalag na ang bigkis, pumapaling na ang katawan bawat igpaw ng palaka… nakagawi sa mahinang paa… ginagamit na pantukod, katangan o fulcrum ang mahinang paa para umigkas ang mas malakas.

Sa may kaalaman sa sikaran, madali nang basahin ang pagpaling ng katawan… pati na ang igkas ng paa. Reading is a lot more than making sense of words, grasping both intent and content. Mas masayang bumasa ng galaw… at ipagkakanulo sa anyo ng alinmang katawan kung dumaan o hindi ang mga bahagi nito sa bigkis…

What about minding the bind, whoopsydaisy, binding the mind? Ibibigkis ang isip para lintik sa tindi ang igkas at bigkas?

Aba’y naglipana kahit saan ang may maluwag sa kokote… it’s a tall order bundling up the mind in a tight knot, keeping it in taut reins. Keeping mind in a bind, that’s along the way to mastery… kakaunti silang mga maestro na makakapagturo ng pamamaraan.

Para sa mga apo na lang ‘yan—para hindi papalag kapag iginapos na ang katawan at isipan sa mga aralin. Physics lessons aren’t exactly likeable and they won’t likely like the lessons they’ll go through.

Pagbabalik-tanaw din ‘to sa naging unang guro namin sa physics, si Miss Elizabeth Lim, ‘musta na kayo, ma’am?

Pasasalamat na rin sa isa sa mga masugid na sumusubaybay sa pitak na ‘to, isang nuclear physicist, ‘musta na ‘dre?

Comments

Popular posts from this blog

Lagay ng panahon

PAGLALAKBAY ng kalakal at balana, pangisdaan at pagsasaka—sa mga marahas na pihit o mahinahong usad ng panahon nakasalalay ang mga ito.

Hindi mga larong pagsusunugan ng utak o taltalan sa Facebook ang may pinakamalaking bulto ng naghahalungkat sa Internet— lagay ng panahon ang talagang inaalam… ‘hirap kasi sumalunga sa buhos ng unos lalo’t sa bahaging bundok maglilipat-puno o pananim… ‘hirap magpalipad ng saranggola o kahit barko sa halihaw ng bagyo.

Hindi naman pala dapat umasa sa PAGASA—mas asenso pa nga ang “Eat Bulaga” na may domestic satellite para maikalat at ipaalam saanmang lupalop sa Pilipinas at kanugnog na mga bansa ang wasiwas-balakang at yugyog-niyog ng EB Babes… aba’y makikita halos araw-araw na binabayo yata ng bagyo ang mga naturang tagasayaw.

Kaya naman mas tinatangkilik, marubdob na sinusubaybayan ng mga miron saanmang kuyukot at kili-kili ng bansa ang naturang palatuntunan kaysa maayos na paglalakbay, pangisdaan at pagsasaka.

Kaya naman dumadagundong ang katkat ng alipu…

Every single cell of my body's happy

I got this one from Carmelite Sisters from whose school three of my kids were graduated from. They have this snatch of a song that packs a fusion metal and liebeslaud beat and whose lyrics go like this:

"Every single cell of my body is happy. Every single cell of my body is well. I thank you, Lord. I feel so good. Every single cell of my body is well."

Biology-sharp nerds would readily agree with me in this digression... Over their lifetimes, cells are assaulted by a host of biological insults and injuries. The cells go through such ordeals as infection, trauma, extremes of temperature, exposure to toxins in the environment, and damage from metabolic processes-- this last item is often self-inflicted and includes a merry motley medley of smoking a deck a day of Philip Morris menthols, drinking currant-flavored vodka or suds, overindulgence in red meat or the choicest fat-marbled cuts of poultry and such carcass.

When the damage gets to a certain point, cells self-destruct. T…

Ayungin-- comfort food

PAMBIHIRA na ngayon ang makasumpong ng ayungin o lukaok (Therapon plumbeus) sa palengke. Pambihira--kapag nakatagpo ng ayungin para na ring nakatagpo ng matino’t matuwid na tao na nakaluklok sa gobyerno.

Nagmula man sa tubig na tabang, tabsing, o alat, bihira nang makahagilap ng ayungin o silver perch. Palatandaan kasi ang malinamnam na isda na tahasang malinis, halos dalisay ang tubig na pinagmulan nito. Kakayanin ng dalag, tilapia, talandi, biya, gurami, bangus at hito na mabuhay sa maruming tubig—na dagliang lilipol sa kawawang ayungin. Saan bang lupalop ng bansa meron pang lubluban ng tubig na nakaligtas o nakaiwas sa polusyon at pagsalaula?

Pintor-manlililok na Manuel D. Baldemor ang nag-alok sa akin ng ayungin. Hindi talaga ayungin. Anyo na lang ng ayungin ang inialok. Sabi nga’y visual food for thought. Binitad o nakatuhog na tila mga talulot ng bulaklak sa tuhugang tilad na kawayan. Masining na nakabukadkad sa bilao, nakasalampak na anyo sa papel. Hindi na mapapatakam ni magl…