Skip to main content

Otso-otso


KULANG pa ang iniregalo sa ikalawang kaarawan ng apo—P100 ang bili sa inukab na lapad ng kahoy, sungkaan… dalawang hanay ng pitong butas sa kahabaan, tig-isang subihang butas sa magkabilang dulo…

Papatak sa tigwalong butas, kaya otso-otso. Suwerte!

Umaangal nga ang Anghelola, mababaw daw ang ukab ng nabiling sungkaan… kumpareng Jerusalino Araos na lang ang matiyagang gumawa ng ganoon mula antigong haligi, itatampok ang sungkaan sa mababang inukit na hapag… saksakan pa ng bigat, sa ikakaya ng bulsa at bisig.

98 sigay o cowrie shells ang kulang, papatak sa 100 ang kabuuang bilang pati na dalawang magsusungka… sa alinmang laro, nilalaro ng laro pati ang naglalaro… Homo sapiens turn as Homo ludens, thinking becomes playful… gano’n kasi sa quantum physics.

Aba’y mas maganda ang kinis ng mga sigay na nasusumpungan sa baybayin ng Ilog Malino sa Bolinao, Pangasinan… mula murang rosas hanggang matingkad na ube o may hibo ng bughaw, kulay sanlibong piso.

Boca del coño ang anyo ng sigay, nakangiti lagi, nakabuka. Na tila katumbas ng perra o babaeng aso… ginamit na salapi ng ilang sinaunang kultura, perang pambili ng alipin.

Pero anuman ang bilhin, pera pa rin kahit sa ukab ng sungkaan na lang ipapatak… laruan lang talagang tulad ng sa larong Monopoly… at kailangang igiit na laruan lang ng tao ang pera, hindi laruan ng pera ang tao.

Pag-ungkat sa sagisag ang sungka… katumbas ng pitong hakbang ang pitong ukab, isa-isang huhulugan ng sampatak na barya pero lagi’t laging isasalin ang isa—hindi na gagalawin o gugugulin sa pag-ikot sa mga ukab—sa subihan. Doon matitipon ang perang sigay. Subi = save; subihan = savings bank. Parang larong aralin sa pagtitipid at capital formation.

May kakaibang katangian ang lapat-kamay lapit-diwang laro. Magagagap ang daigdig sa paghawak ng mga bagay-bagay sa laro… na nilinaw ng isang sulatin sa September 2010 edition of Scientific American:

“Learning through touch is instinctual. Even newborns can recognize objects by touch alone.

“At first, tactile learning involves manipulating objects. But as children mature, they begin to apply these physical concepts to abstract ideas.

“Hands-on exploration helps children learn more and remember what they have discovered. It also enhances math, verbal and thinking skills.

Oo, palamuti rin ang sungkaan… bukod sa salaping pantumbas ng mga alipin, sagisag din kasi ang mga sigay ng karunungan at masinop na pag-aaral.

Dadakot ng mga sagisag-salapi ang musmos, kikimkimin sa kanyang palad… magsasalit-salitan sa isipan ang bilang ng mga butil na ipinadpad, ibinilad ng karagatan sa pampang… upang mapulot, mapaglaruan.

Para mahasa sa higpit ng gagap ang mga kamay. Para mabihasa sa paggagap pati na puso at isipan.

Hindi lang katumbas ng pitong ukab ang tutunguhin sa bukas na hinaharap.

Comments

Post a Comment

Popular posts from this blog

ALAMAT NG TAHONG

SAKBIBI ng agam-agam sa kalagayan ng butihing kabiyak-- at kabiyakan, opo-- na nakaratay sa karamdaman, ang pumalaot na mangingisda ay napagawi sa paanan ng dambuhalang Waczim-- isang bathala na nagkakaloob sa sinuman anumang ibulwak ng bibig mula sa bukal ng dibdib. Pangangailangan sa salapi na pambili ng gamot ng kapilas-pusong maysakit ang nakasaklot sa puso ng matandang mangingisda. 'Di kaginsa-ginsa'y bumundol ang kanyang bangka sa paanan ng Waczim. Kagy at umigkas ang katagang kimkim noon sa kanyang dibdib: "Salapi!" Bumuhos ng salapi-- mga butil at gilit ng ginto-- mula papawirin. At halos umapaw sa ginto ang bangka ng nagulantang na mangingisda, walang pagsidlan ang galak, at walang humpay ang pasasalamat sa mga bathala. Nanumbalik ang kalusugan ng kabiyak ng mangingisda. At lumago ang kabuhayan, naging mariwasa ang magkapilas-puso na dating maralita. Nilasing ng kanyang mga dating kalapit-bahay ang mangingisda-- na hindi ikina
Post a Comment
Read more

Cal y canto con camote

FENG shui (literally, wind water flow) lore has it root crops embody a hidden store of treasures. Say, a local food conglomerate needs yearly 35,000 metric tons of cassava for livestock feed-- the available local supply falls short of 13,000 tons. Cassava granules sell for around P9 a kilo. Demand for the same root crop to be used in liquor manufacturing is hitting above the roof. Why, raising cassava is a no-brainer task— this is one tough crop that can grow in the most hostile patches of earth, providing sustenance for ages to dwellers in sub-Saharan parts of Africa. While the hardy cassava is nearly pure starch, the lowly sweet potato or kamote is considered by nutritionists as a super food, the most nutritious of all vegetables— kamote levels of Vitamin A are “off the charts, rich in antioxidants and anti-inflammatory properties.” A fist-sized kamote can supply a day’s dose of glucose to fuel the brain, muscles, and organs, so they claim. Count the country lucky
Post a Comment
Read more

Every single cell of my body's happy

I got this one from Carmelite Sisters from whose school three of my kids were graduated from. They have this snatch of a song that packs a fusion metal and liebeslaud beat and whose lyrics go like this: "Every single cell of my body is happy. Every single cell of my body is well. I thank you, Lord. I feel so good. Every single cell of my body is well." Biology-sharp nerds would readily agree with me in this digression... Over their lifetimes, cells are assaulted by a host of biological insults and injuries. The cells go through such ordeals as infection, trauma, extremes of temperature, exposure to toxins in the environment, and damage from metabolic processes-- this last item is often self-inflicted and includes a merry motley medley of smoking a deck a day of Philip Morris menthols, drinking currant-flavored vodka or suds, overindulgence in red meat or the choicest fat-marbled cuts of poultry and such carcass. When the damage gets to a certain point, cells self-de
Post a Comment
Read more