Skip to main content

On something you must tie!


KAPAG basa ang papel, dapat ‘patuyo muna… in short, better to dry fire rather than go through a practical shoot course after a hostage-taking fiasco.

Meron naman kasing mga matinong halimbawa na matutularan.

Halimbawa ang isang hari.

Ang hirap naman kasi dito kay Haring Bhumibol ng Thailand, kung anu-ano ang ipapakita sa taumbayan… na parang mga unggoy yata—monkey see, monkey do.

Ipakita ba naman na lulublob sa putik ng pilapil, magtatanim ng binhi ng palay… sinundan ng kanyang sambayanan ang ginawang halimbawa… hindi kasi mahilig sa talumpati at taltalan ang haring ‘to, pulos aksiyon lang…

Kamukat-mukat, kabilang na sa tatlong pinakamalakas na bansa sa daigdig sa produksiyon ng bigas ang Thailand… para bang buntot ng kalabaw ang mga tao do’n, kung saan tutungo’t uusad ang ulo, sunod agad ang buntot.

‘Buti na lang hindi gano’ng palabuntot ang Pinoy, aba’y nalalagas na ang buhok sa ulo ng Pangulo… aba’y baka mabangkarote ang negosyo ng mga barbero’t hair stylists kapag pikit-matang susunod sa halimbawa ng numero uno.

Baka naman totoo ‘yung kasabihan, the power of concrete example far exceeds the slather of words… ‘yun lang namang nasa kalapit bahay ang mahilig pumutak buong maghapon, ni hindi naman nagsasanay ng muay para makigaya sa mga Thai.

Nakita ng balana na nag-aalaga ng orchids ang kanilang hari…why, orchis is something legal and refers to the subpoena, and that’s under the pen is mightier than the sword… mas may pakinabang sigurong gawain kaysa magkamot lang ng bayag… talagang kakaibang ari, ehe-he-he-he-he, hari nga pala.

Kamukat-mukat, nakipagpaligsahan na sa Netherlands ang Thailand sa cutflower industry… aba’y umaabot hanggang sa ‘Pinas ang ibinabagsak nilang orchids.

Maghihimutok pa nga—dahil dito mismo nanggaling ang mga unang binhi nila ng waling-waling o Vanda sanderiana. Kinutinting, pinalahian… hayun nga, samut-saring anyo at kulay mula sa inahing waling-waling ang kinalabasan.

Palibhasa’y dalubhasa sa agrikultura, talagang samut-saring binhi ng pananim at bungangkahoy ang binubusisi niyong hari… kamukat-mukat na naman, pati sampalok at atis, inaangkat na rin ng ‘Pinas sa Thailand.

Hindi lang siguro mahilig tumilaok sa mikropono’t umalulong sa videoke si Haring Bhumibol… pero matagal nang libangan na kinahihibangan ang ganito sa ‘Pinas… ilan na ba ang natigok sa My Way?

Hindi rin yata mahilig sa Ma Ling, este, malling ang naturang hari.

Mabuti na lang hindi rin mahilig sa putakan at putukan ang hari nila… nabasa siguro ‘yung sinulat ni Lao Tzu sa Tao Te Ching, “kasangkapan ng masaklap na kapalaran ang mga sandata, hindi mahilig sa mga ito ang mga nasa matuwid na landas.”

Mahirap talagang pantayan ang ulirang halibawa ng ganoong pinuno… kahit na isupalpal pa sa mukha ng numero uno dito, that’s something you must tie!

Comments

Popular posts from this blog

Every single cell of my body's happy

I got this one from Carmelite Sisters from whose school three of my kids were graduated from. They have this snatch of a song that packs a fusion metal and liebeslaud beat and whose lyrics go like this:

"Every single cell of my body is happy. Every single cell of my body is well. I thank you, Lord. I feel so good. Every single cell of my body is well."

Biology-sharp nerds would readily agree with me in this digression... Over their lifetimes, cells are assaulted by a host of biological insults and injuries. The cells go through such ordeals as infection, trauma, extremes of temperature, exposure to toxins in the environment, and damage from metabolic processes-- this last item is often self-inflicted and includes a merry motley medley of smoking a deck a day of Philip Morris menthols, drinking currant-flavored vodka or suds, overindulgence in red meat or the choicest fat-marbled cuts of poultry and such carcass.

When the damage gets to a certain point, cells self-destruct. T…

Singkamas

MAYAMAN pala sa tinatawag na phytochemicals o sangkap na panlaban sa samut-saring sakit ang singkamas—na sa alias nito sa Latin ay talagang kahindik-hindik na ang dating, Pachyrhizus erosus. Tunog erotikong suso sa dulo.

Jicama ang pangalan nito sa pinagmulang lupalop. Mula pa Mexico, nakarating sa ating pampangin nitong kasagsagan ng kalakalang Manila-Acapulco. Jicama. Sumablay ang bigkas dahil kasintunog ng “higa kama.” Nabalbal. Naging singkamas sa ating wika.

Pampigil sa salakay ng kanser, pampababa ng antas ng masamang cholesterol sa dugo, likas din na antibiotic o pamuksa ng mikrobyo sa katawan. Pampalakas sa likas na panlaban ng katawan kontra sakit. Anti-oxidant o pampahupa sa pagiging amoy-lupa. Karaniwan ding gamit na sangkap sa siomai at lumpia.

Hubad na lumpia! Opo, hindi hubo’t hubad ang tawag sa naturang lutuin. Hubad lang. Masarap kung may kalahok pang budbod na mani.

Kaya nakagawian nang talupan ng mga hayok. Ilalantad ang kinis-labanos na laman na pinipithaya (kahu…

KASI NANLABAN