Skip to main content

Linteknolohiya! (Standard Express)

NAKAW na mga sandali na lang daw ang naiuukol sa usal at salsal ng dasal. Kaya anuman ang lunan at pagkakataon, idinaraos daw na tila umuusok sa pusok na pakikipagtalik.

Nagkataon marahil na habang nasa biyahe ng kanyang nasakyang pampasaherong jeepney nang sumpungin sa kanyang panalangin.

Pagkain din daw ang dasal. Bumubusog. Nagtutustos ng kung anong sustansiya. Parang high-protein snack. Kapag inapuntahan ng pagkalam ng kung ano sa dibdib at utak, kailangang lumantak.

Higit limang beses na kain sa buong maghapon at magdamag.

Hayun nga. Tila batis na ibinulwak ng bunganga ang tuloy-tuloy na daloy ng pagbati sa isa sa mga pagpupugay kay Allah. Paanas lang. Parang sumisingasing na ahas bago tumuklaw.

“Ya Mumitu Allahu akbar!”

Dakila ka Ama na kumikitil ng buhay.

Ganoon ang katuturan niyon.

Hindi ito pagpupugay na mauulinig sa mga Pro-Life.

Hindi aabot sa 500 bigkas ng ganoong pagbati para maantig daw si Tar’athyail, ang tagapangalaga o khodam sa isa sa may 100 panawagan kay Allah. Tagapaghatid ng kalatas o anghel yata ang ibig sabihin ng khodam.

Sumasalin daw sa nagpupugay ang katangian ng pinagpupugayan. Interface ang tawag sa ganoong kaganapan. The learner, the learning are fused into one—that’s what it boils down to. It’s a working principle of quantum physics. It becomes operative in earnest deep-down prayer.

Teknolohiya lang din pala ang batayan ng higit yata sa limang beses bawat araw na pagtatangka na makiugnay sa Maykapal. Nakagawian na kasing kapag nasalang sa anumang broadcast medium, kung sinu-sinong kumag at kupal ang babatiin— halimbawa’y “binabati ko ang aking mga kaibigan at kaharumpakan diyan sa aming lupalop, lalo na ang mga barbero’t tindera ng galunggong at bagoong sa Lagro.”

Naidaos ang daloy ng pagbati nang sabihin ng kaharap na pasahero sabay igkas ng patalim: “Holdap ‘to!”

Gulantang ang iba pang pasahero. Naudlot sa pag-finger sa kani-kanilang cellphone—na isa-isang sinamsam ng kupal na holdaper.

Ni hindi pinansin ng kupal ang ultra-sophisticated model of communication transmission and satisfying connection na nakabukol pa mandin sa harapan ni Ama—‘yung Erection 66010.

Ni hindi nga raw inino o pinansin si Ama, as if he didn’t even exist.

Napailing na lang si Ama nang matapos ang holdapan. Namumutla ang kapwa pasahero. Wala namang nasaktan.

Pero baka raw napika sa pangyayari ang khodam na si Tar’athyail.

Tiyak na madadamay pati na kaanak ng kupal sa ngitngit ng naturang khodam.

So how do you appease an angel of death?

Comments

Popular posts from this blog

Every single cell of my body's happy

I got this one from Carmelite Sisters from whose school three of my kids were graduated from. They have this snatch of a song that packs a fusion metal and liebeslaud beat and whose lyrics go like this:

"Every single cell of my body is happy. Every single cell of my body is well. I thank you, Lord. I feel so good. Every single cell of my body is well."

Biology-sharp nerds would readily agree with me in this digression... Over their lifetimes, cells are assaulted by a host of biological insults and injuries. The cells go through such ordeals as infection, trauma, extremes of temperature, exposure to toxins in the environment, and damage from metabolic processes-- this last item is often self-inflicted and includes a merry motley medley of smoking a deck a day of Philip Morris menthols, drinking currant-flavored vodka or suds, overindulgence in red meat or the choicest fat-marbled cuts of poultry and such carcass.

When the damage gets to a certain point, cells self-destruct. T…

Singkamas

MAYAMAN pala sa tinatawag na phytochemicals o sangkap na panlaban sa samut-saring sakit ang singkamas—na sa alias nito sa Latin ay talagang kahindik-hindik na ang dating, Pachyrhizus erosus. Tunog erotikong suso sa dulo.

Jicama ang pangalan nito sa pinagmulang lupalop. Mula pa Mexico, nakarating sa ating pampangin nitong kasagsagan ng kalakalang Manila-Acapulco. Jicama. Sumablay ang bigkas dahil kasintunog ng “higa kama.” Nabalbal. Naging singkamas sa ating wika.

Pampigil sa salakay ng kanser, pampababa ng antas ng masamang cholesterol sa dugo, likas din na antibiotic o pamuksa ng mikrobyo sa katawan. Pampalakas sa likas na panlaban ng katawan kontra sakit. Anti-oxidant o pampahupa sa pagiging amoy-lupa. Karaniwan ding gamit na sangkap sa siomai at lumpia.

Hubad na lumpia! Opo, hindi hubo’t hubad ang tawag sa naturang lutuin. Hubad lang. Masarap kung may kalahok pang budbod na mani.

Kaya nakagawian nang talupan ng mga hayok. Ilalantad ang kinis-labanos na laman na pinipithaya (kahu…

KASI NANLABAN