Skip to main content

Dead cold numbers

WALA pa yatang nangahas na iligpit sa pamamagitan ng kulam ang sinumang Pestedente ng bansa. Tiyak namang tatablan. Matitigok na walang pasubali—no ass ifs, so twats, butts, or similar protruding members are spared. Walang pinipili sa kulam na masahol pa yata sa surgical strike. Anyone bites the dust.

Ikinatwiran noon ni Manoling Festin Martinez—ex-seminarian na batikan sa theosophy at isa sa mga katoto ni Ama—na mayroon daw kakaibang mahika na lulukob na parang protective shield sa sinuman kapag nakaluklok na bilang Pangulo o Panggulo, Presidente o Pestedente na parang pababang spaghetti na al dente.

Kaya raw hindi basta tatablan.

Pero sa huling tuusan, tatablan pa rin ng kulam kahit pa 10-foot thick tempered steel with Teflon-coating ang kapal ng pagmumukha.

Sakaling umaabot sa P129 billion ang tipak ng pork barrel na kinopo ng nakaluklok sa Palasyo, baka naman humirit ang kukulam—tropang paktol man o parakaraw-- ng kahit 10% commission of the heinous crime. Aabot din sa halos P13 billion ang talent fee or contract price. Saang wakwak na bulsa ng taxpayers lilikom ng ganoong halaga samantalang namimilipit na nga sila sa sapin-saping buwis para tapalan ang dambuhalang budget deficit?

Saka hindi naman talaga matibay na kalasag ang sasalpak na tila cloak of invisibility ni Harry Potter sa sinumang numero unong bedspacer sa MalacaƱang. Mauungkat yata sa Rig Veda o Atharva Veda—mga banal na kasulatang Hindu ang mga ‘to—na ika-anim na bahagi ng pambansang karma ang tahasang sasalin sa naturang bedspacer. H’wag matakot sa karma. Mga ginagawa at ginagawi lang ang katuturan nito.

Sa madaling sabi, ang mga gawi’t gawa ng 15,000,000 o 1/6 ng populasyong nasa 90 milyon ang gawi’t gawa, ang asal at ugali ng nangungunang nakasuno sa Palasyo.

It may take an entire coven—a 13-strong band of wizards, sorcerers, mages and witches—to do ‘em all in, all 15,000,001 of ‘em in a holocaust of sorts.

At the grassroots level of some 42,000 barangays in the entire archipelago, the surgical cleansing entails 357 deaths in each barangay. How would the embalmers and grave-diggers cope with such a Herculean task? Would life insurance companies be ever the same again after the payoffs? Would TV rating firms trot out anew the numbers of bipeds and cretins that shore up advertising support for inane TV shows? Hindi kaya mamatay sa sobrang hinagpis at dalamhati ang mga jueteng operators?

Papayag naman kaya si Satanas, Belial o Ahriman na makatkat sa pisngi ng lupa ang mga taong magbubulid ng higit pang bilang sa kapariwaraan? Sino na naman kayang young star ang mabubuntis o maglalabas ng kanilang sex video footage sa Internet?

Higit na kalunos-lunos na trahedya ang tuwinang pagtingala sa mga puno’t pinuno na inaasahan laging uugat-uugit sa kahihinatnan ng ating lupain. Para bang laging may masusungkit na masarap na bunga sa itaas. Ang totoo’y sinisilipan lang ang mga nakatuntong sa itaas kung meron pa silang suot na salungguhit o panties—madalas na wala kaya laging madilim na hinaharap ang nasisipat.

Payo ni Siddharta: Be the change you want in your world, in your land. Kaysa maghagilap ng masusungkit na anumang bunga, inspirasyon, lilim o matinong halimbawa sa puno’t pinuno, sarili mismo ang bungkalin at pagyamanin. Tamnan ng mga mainam na binhi. Umani ng mga mainam na bunga mula sa sarili.

Mas mahirap yatang gawin ang ganoon kaya hindi natin makita’t maungkat ang sari-sarili.

Comments

Popular posts from this blog

Every single cell of my body's happy

I got this one from Carmelite Sisters from whose school three of my kids were graduated from. They have this snatch of a song that packs a fusion metal and liebeslaud beat and whose lyrics go like this:

"Every single cell of my body is happy. Every single cell of my body is well. I thank you, Lord. I feel so good. Every single cell of my body is well."

Biology-sharp nerds would readily agree with me in this digression... Over their lifetimes, cells are assaulted by a host of biological insults and injuries. The cells go through such ordeals as infection, trauma, extremes of temperature, exposure to toxins in the environment, and damage from metabolic processes-- this last item is often self-inflicted and includes a merry motley medley of smoking a deck a day of Philip Morris menthols, drinking currant-flavored vodka or suds, overindulgence in red meat or the choicest fat-marbled cuts of poultry and such carcass.

When the damage gets to a certain point, cells self-destruct. T…

Singkamas

MAYAMAN pala sa tinatawag na phytochemicals o sangkap na panlaban sa samut-saring sakit ang singkamas—na sa alias nito sa Latin ay talagang kahindik-hindik na ang dating, Pachyrhizus erosus. Tunog erotikong suso sa dulo.

Jicama ang pangalan nito sa pinagmulang lupalop. Mula pa Mexico, nakarating sa ating pampangin nitong kasagsagan ng kalakalang Manila-Acapulco. Jicama. Sumablay ang bigkas dahil kasintunog ng “higa kama.” Nabalbal. Naging singkamas sa ating wika.

Pampigil sa salakay ng kanser, pampababa ng antas ng masamang cholesterol sa dugo, likas din na antibiotic o pamuksa ng mikrobyo sa katawan. Pampalakas sa likas na panlaban ng katawan kontra sakit. Anti-oxidant o pampahupa sa pagiging amoy-lupa. Karaniwan ding gamit na sangkap sa siomai at lumpia.

Hubad na lumpia! Opo, hindi hubo’t hubad ang tawag sa naturang lutuin. Hubad lang. Masarap kung may kalahok pang budbod na mani.

Kaya nakagawian nang talupan ng mga hayok. Ilalantad ang kinis-labanos na laman na pinipithaya (kahu…

KASI NANLABAN