Skip to main content

Ransom thought, random note

BAKA balde-balde (English for battalions of buckets, not pail-pail or “major-major,” pwe-he-he-he!) ang itinurok niyang pampamanhid sa bumbunan upang mapawi sa ulirat ang pagkawala ng kanyang pamilya… ilang buwan na inilublob ang isip sa Rizal Park Chess Club… nagsunog ng kalupi’t bulsa sa walang pangiming pusta, aanhin pa’ng pera kung walang pag-uukulang anak o asawa?

Nahimasmasan din marahil o lubusang naging mamad ang isip nang magbuhos ng puhunan at panahon sa pagpapatayo ng resort sa isang liblib na bahagi ng tinutuluyang lungsod… do’n na kami nagkahuntahan, lumantak ng inihaw na alumahan, asin, kamatis at umuusok na kanin… nagkatunggaan katagay ang kanilang punong-lungsod…

Na kailangang humugot ng pera mula sariling lukbutan o humiram mula likom na amilyar sa lungsod upang magbigay ng lingguhang pakimkim—tig-P500 yata-- sa mga nagsasadyang totoo’t huwad na peryodista sa kanyang tanggapan.

Gawi sa giyera ang pagsulat ayon kay Voltaire, kaya dapat lang suklian ng hazard pay at combat pay—kahit P500 lang bawat sulatin.

Gano’n yata ang isinaalang-alang ng punong-lungsod noon na halal nang kinatawan ngayon ng siyudad ng Dasmariñas… na tiyak na dadagsain naman ngayon ng mga hao-shiao sa Kamara, ‘musta na po Rep. Pidi Barzaga?

Nabubuo daw sa pagbasa ang pagkatao. Nalulubos naman sa pagsulat— kailangan kasing panindigan ang sinulat, ihandang isalang ang sarili sa pitpitan ng biag o bayag… kahit naman pagong, kailangang ilantad ang leeg para makausad.

Saka palatandaan ‘yan ng functional literacy—reading, ‘riting, rhythm and blues….

Hindi naman nawaglit ang simpleng tuusan sa ‘rithmetic: dapat handa sa pakikipagtuos sa Commission on Audit ang mga kumag na nakaluklok—nangulimbat, nangungulimbat, mangungulimbat-- saanmang sangay, singit at gilagid ng gobyerno.

Mainam na handa at hasa rin sa tuusan-- in pace, ut sapiens, aptarit idonea bello-- ang nagsusulat o humahakbang sa gawi ng giyera…

Pluma, hindi plema—ibinubuga ng naglipanang may sakit na PTB, pulos tunganga’t bunganga—ang ginagagap ng susulat.

Tumatalab ang paghawak ng pluma… nakaanyo kasi ang palad at mga daliri bilang mudra Kubera (bathalang Hindu na nangangalaga ng salapi’t kayamanan)… sa wikang Sanskrit, “untag sa ligaya” ang katuturan ng mudra… so there’s tactile and tactical sense plus cheery orgasm in wielding a writing implement.

And if you can’t buy happiness with money, you’re stuck in the wrong places, you’re clueless on marketing, and won’t even know what a market looks like… you won’t land a job in the purchasing and acquisitions department of any business outfit


“Dasal” o “dalangin” ang katumbas ng solat sa Islam… kung ilang ulit isinasagawa sa araw-araw (English for daily, hindi pompiyang, ‘day, that explains why newsmen grub in dailies).

Payat talaga ang P500 sa hazard pay at combat pay.

Kaya yata mas pinipili ang magsulat ng ransom note.

Comments

Popular posts from this blog

Every single cell of my body's happy

I got this one from Carmelite Sisters from whose school three of my kids were graduated from. They have this snatch of a song that packs a fusion metal and liebeslaud beat and whose lyrics go like this:

"Every single cell of my body is happy. Every single cell of my body is well. I thank you, Lord. I feel so good. Every single cell of my body is well."

Biology-sharp nerds would readily agree with me in this digression... Over their lifetimes, cells are assaulted by a host of biological insults and injuries. The cells go through such ordeals as infection, trauma, extremes of temperature, exposure to toxins in the environment, and damage from metabolic processes-- this last item is often self-inflicted and includes a merry motley medley of smoking a deck a day of Philip Morris menthols, drinking currant-flavored vodka or suds, overindulgence in red meat or the choicest fat-marbled cuts of poultry and such carcass.

When the damage gets to a certain point, cells self-destruct. T…

Singkamas

MAYAMAN pala sa tinatawag na phytochemicals o sangkap na panlaban sa samut-saring sakit ang singkamas—na sa alias nito sa Latin ay talagang kahindik-hindik na ang dating, Pachyrhizus erosus. Tunog erotikong suso sa dulo.

Jicama ang pangalan nito sa pinagmulang lupalop. Mula pa Mexico, nakarating sa ating pampangin nitong kasagsagan ng kalakalang Manila-Acapulco. Jicama. Sumablay ang bigkas dahil kasintunog ng “higa kama.” Nabalbal. Naging singkamas sa ating wika.

Pampigil sa salakay ng kanser, pampababa ng antas ng masamang cholesterol sa dugo, likas din na antibiotic o pamuksa ng mikrobyo sa katawan. Pampalakas sa likas na panlaban ng katawan kontra sakit. Anti-oxidant o pampahupa sa pagiging amoy-lupa. Karaniwan ding gamit na sangkap sa siomai at lumpia.

Hubad na lumpia! Opo, hindi hubo’t hubad ang tawag sa naturang lutuin. Hubad lang. Masarap kung may kalahok pang budbod na mani.

Kaya nakagawian nang talupan ng mga hayok. Ilalantad ang kinis-labanos na laman na pinipithaya (kahu…

KASI NANLABAN