Skip to main content

27

“Grace isn't a prayer before a meal. It's a way of life.”

AN’DALI talagang magtaboy ng biyaya’t magandang kapalaran na papasok sa alinmang tahanan, ‘tol—ipagpag lang sa harapan nito ang alikabok, putik o dumikit na dumi sa sapin sa paa… such a deadly curse.

Naasaad sa Kasulatan ang ganitong paraan ng mga mananampalataya… hindi na lang tumatalab— marami kasing pekeng Muslim at Kristiyano, faith is just a lame excuse, a criminal alibi for their ilk.

Kakaiba ang natutunan… ipagpag kahit ilang ulit ang magkabilang paa sa tagiliran ng sikmura, tuhod, dibdib, sentido ng dadaluhong…mabisa talaga… renal failure or cardiac failure ang kasunod… paraang taekkyon mula Korea.

Iba ang paniniwala sa India para mahikayat na lubusang manatili sa pamamahay ang sangkatutak na biyaya… ang mga bahagi ng pamamahay ay inilalaan sa iba’t ibang bathala at bathaluman… lares et penates, the household gods in a Roman abode.

Kapag umiiral ang ganoong paniniwala at pagtitiwala, tiyak na gagawing masinop, maringal na dambana ang iba’t ibang bahagi ng pamamahay… katuwang at kasama pati na sa pamumuhay ang mga bathala’t bathaluman.

What a life shared with the divine!

Linawin natin, ‘tol. Access to and practice of such quaint belief is rather restricted to the upper crust… ask me not why I have access to and freely ply such knowledge.

‘Hirap namang aminin na talagang samlang at salaula sa pamamahay pati pamumuhay ang mga dukha… pero hindi nasisilaw ang mga bathala sa panlabas na anyo ng bahay… makinis na kalburo’t marmol ang lantad na mukha ng nitso.

Hindi kasi nananatiling nakalublob sa hirap at dalita ang nagsisinop. Tiyak na umaangat ang antas ng kabuhayan.

Kung ang mga nahahawakan, nakikitang bagay ay hindi masinop… paano pa sisinupin ang mga hindi mahahawakan ng palad o masisipat ng paningin?

Sa paniniwalang feng shui, napapalis ang mga sagabal sa magaang na pamumuhay tuwing magliligpit, magsisinop ng 27 bagay sa alinmang bahagi ng pamamahay.

Hindi naman mahirap mag-imis ng mga nagkalat o nakatambak na kagamitan… 27 lang ang ililigpit para gumaan ang tinatawag na ki or life force. Say, clutter impedes-- even wears out-- the easy flow of such a force that permeates life.

Sa feng shui, nahahati sa walong bahagi ang pamamahay—at mas nakalublob ang tutok sa timog silangang bahagi na kumakatawan sa kayamanan at kasaganaan… nakakaligtaan ang pagsisinop sa iba pang mahalagang sangkap sa maginhawang pamumuhay.

Para sa tulad namin na panulat ang bukal ng salapi, madalas na magsinop sa gawing hilagang silangan— na batis ng karunungan at dibdib ng lupa ang pumipintig… nakabunton dito ang malalaking bato, sagisag na pampatindi sa lakas ng magkatuwang na katawan-diwa… aba’y napakalaking tipid sa gastos kapag ligtas sa sakit at karamdaman.

Pamumuhay na puspos ng sagisag at sigasig ang takda ng feng shui… what a way to live!

Oo, hindi na kailangan ng mga paputok at pailaw sa bawat bisperas ng bagong taon… mas mainam na maglagay na lang ng siyam na matulis na bagay sa gawing timog na sagisag ng kasikatan at hinaharap… si Jena Fetalino lang kasi ang nakapansin sa tulis ng inyong imbing lingkod… bilis sa suksok-tulis sa bahaging timog o hinaharap ng mga dilag…

Comments

Popular posts from this blog

Every single cell of my body's happy

I got this one from Carmelite Sisters from whose school three of my kids were graduated from. They have this snatch of a song that packs a fusion metal and liebeslaud beat and whose lyrics go like this:

"Every single cell of my body is happy. Every single cell of my body is well. I thank you, Lord. I feel so good. Every single cell of my body is well."

Biology-sharp nerds would readily agree with me in this digression... Over their lifetimes, cells are assaulted by a host of biological insults and injuries. The cells go through such ordeals as infection, trauma, extremes of temperature, exposure to toxins in the environment, and damage from metabolic processes-- this last item is often self-inflicted and includes a merry motley medley of smoking a deck a day of Philip Morris menthols, drinking currant-flavored vodka or suds, overindulgence in red meat or the choicest fat-marbled cuts of poultry and such carcass.

When the damage gets to a certain point, cells self-destruct. T…

Singkamas

MAYAMAN pala sa tinatawag na phytochemicals o sangkap na panlaban sa samut-saring sakit ang singkamas—na sa alias nito sa Latin ay talagang kahindik-hindik na ang dating, Pachyrhizus erosus. Tunog erotikong suso sa dulo.

Jicama ang pangalan nito sa pinagmulang lupalop. Mula pa Mexico, nakarating sa ating pampangin nitong kasagsagan ng kalakalang Manila-Acapulco. Jicama. Sumablay ang bigkas dahil kasintunog ng “higa kama.” Nabalbal. Naging singkamas sa ating wika.

Pampigil sa salakay ng kanser, pampababa ng antas ng masamang cholesterol sa dugo, likas din na antibiotic o pamuksa ng mikrobyo sa katawan. Pampalakas sa likas na panlaban ng katawan kontra sakit. Anti-oxidant o pampahupa sa pagiging amoy-lupa. Karaniwan ding gamit na sangkap sa siomai at lumpia.

Hubad na lumpia! Opo, hindi hubo’t hubad ang tawag sa naturang lutuin. Hubad lang. Masarap kung may kalahok pang budbod na mani.

Kaya nakagawian nang talupan ng mga hayok. Ilalantad ang kinis-labanos na laman na pinipithaya (kahu…

KASI NANLABAN