Skip to main content

Nisi ut valeas


PUMALO sa higit 120 taon sina Lola Berta (masaya siya kapag binigyan ng sampaketeng Philip Morris 100s sa Pasko) at Lola Anday (La Yebana, La Dicha, Magkaibigan at Balintawak naman sa kanya). Chirpy spirits both, kapwa marikit na ibong maria kapra… pero dahil sa kanilang mausok na bisyo baka sila mabansagang maria kapre.

Record-setter din ang isang lola sa France, umabot sa edad-122 kahit hitit-buga rin ang hilig.

Isa sa itinuturong sanhi ng kanilang tibay kontra tambutso ng tabako ang taglay na saya sa kalooban… masayahin ang dalawang lelang. Happiness turns up a potent biochemistry that deters the lethal effects of a smoking habit, some findings show. As Jesus Ben Sirach would assert in Ecclesiasticus 30:22-23, “Gladness of heart is life to a man, joy is what gives him length of days.”

Idagdag na rin ang kanilang genetic make-up hardwired for longevity—mana-mana ‘yan mula sa matibay na ninuno at talagang isa lang sa bawat 10,000 katao ang umaabot sa edad-100, ayon sa mga pagsusuri.

Resveratrol naman ang itinuturong dahilan sa kaso ng mga matibay na tambutso sa France. Sagana sa polyphenol na resveratrol ang buto’t balat ng ubas… na napapahalong katas na sangkap sa pulang alak… good for the heart, bad for the liver and one’s meager means… kaya nga lambanog o coco vodka ang tinatangkilik ng aming bahay-alak.

May taglay din na resveratrol ang mani at kakaw na binubusa, ginigiling… mapait na sikulate ang labas na sangkap sa tsampurado—paborito ‘to na may kasamang tuyo nina Lola Berta at Lola Anday.

Saka raisin-flavored coco vodka ang nakagawiang simsimin… nanggigitata rin sa resveratrol mula pasas, na sagana rin sa biologically available iron which boosts the hemoglobin, curbs anemia and combines with oxygen to fire up neurons during cerebration… aba’y murang-mura ang pasas kung hahango ng bulto sa Divisoria, lalo na ‘yung hindi seedless…

Hindi na kailangan pang umalak ng pulang laklak, para tustusan ng resveratrol ang kalusugan ng puso’t tablahin ang mga maidudulot na pinsala ng tambutso ng tabako.

Cura nihil aliud nisi ut valeas
. Ganoon ang sabi ni Cicero—h’wag daw pansinin ang anuman maliban sa ginagawa mo nang buong husay.

Eh kung wala naman talagang magawa, at wala naman talagang maibugang husay?

‘Yung abala sa gawa’t may ibubuga ang pilit bubulabugin, uusyosohin, tatangahan, bubungangaan…. ‘Ayun nga, kung sinu-sino na ang kumatsang ng ex mea sententia pati kay P-Noy ukol sa kanyang ibinubugang kapre-tso.

Barack Obama’s or Noynoy Aquino’s smoking habit doesn’t bother me. My smoking habit doesn’t bother them
.

Comments

吳思 said…
人不能像動物一樣活著,而應該追求知識和美德.................................................................
Hi! I am Karla from ABS-CBN:) We have an episode about "kapre-tao" love story which will air this week. Can we borrow your picture?

We are hoping for your favorable response regarding this matter. Should you have any queries, I may be reached at 09173870800.

Thank you!

Popular posts from this blog

Every single cell of my body's happy

I got this one from Carmelite Sisters from whose school three of my kids were graduated from. They have this snatch of a song that packs a fusion metal and liebeslaud beat and whose lyrics go like this:

"Every single cell of my body is happy. Every single cell of my body is well. I thank you, Lord. I feel so good. Every single cell of my body is well."

Biology-sharp nerds would readily agree with me in this digression... Over their lifetimes, cells are assaulted by a host of biological insults and injuries. The cells go through such ordeals as infection, trauma, extremes of temperature, exposure to toxins in the environment, and damage from metabolic processes-- this last item is often self-inflicted and includes a merry motley medley of smoking a deck a day of Philip Morris menthols, drinking currant-flavored vodka or suds, overindulgence in red meat or the choicest fat-marbled cuts of poultry and such carcass.

When the damage gets to a certain point, cells self-destruct. T…

Singkamas

MAYAMAN pala sa tinatawag na phytochemicals o sangkap na panlaban sa samut-saring sakit ang singkamas—na sa alias nito sa Latin ay talagang kahindik-hindik na ang dating, Pachyrhizus erosus. Tunog erotikong suso sa dulo.

Jicama ang pangalan nito sa pinagmulang lupalop. Mula pa Mexico, nakarating sa ating pampangin nitong kasagsagan ng kalakalang Manila-Acapulco. Jicama. Sumablay ang bigkas dahil kasintunog ng “higa kama.” Nabalbal. Naging singkamas sa ating wika.

Pampigil sa salakay ng kanser, pampababa ng antas ng masamang cholesterol sa dugo, likas din na antibiotic o pamuksa ng mikrobyo sa katawan. Pampalakas sa likas na panlaban ng katawan kontra sakit. Anti-oxidant o pampahupa sa pagiging amoy-lupa. Karaniwan ding gamit na sangkap sa siomai at lumpia.

Hubad na lumpia! Opo, hindi hubo’t hubad ang tawag sa naturang lutuin. Hubad lang. Masarap kung may kalahok pang budbod na mani.

Kaya nakagawian nang talupan ng mga hayok. Ilalantad ang kinis-labanos na laman na pinipithaya (kahu…

KASI NANLABAN