Skip to main content

Momon, pa’no diskarteng aikido d’yan?


WALA palang alam sa salpukan ng isipan ‘yung nakipagtaltalan kay Capt. Rolando Mendoza, wala raw aklat-gabay o nasulat na manual sa mga ganoong kagipitan… kaya dumadagundong ang halakhak ng daigdig sa sablay na diskarte ng mga isinabak sa Luneta.

Sa huli kong dalaw sa dojo, dalawa lang ang inabot kong nagsasanay kung paano umagos na tila tubig ang galaw… parehong Tsinoy, mukhang wala talagang hilig ang Pinoy na sumalang sa hasaan ng diwa’t katawan.

Simple lang ang sabi no’n ni O-Sensei Morihei Ueshiba ukol sa tubig… malulunod lang sa agos ng tubig ang pinakamarahas na daluhong. Magpapatianod lang sa ragasa’t sagasa ng unday o bigwas saanman patungo… bigay-hilig… kamukat-mukat, ‘yung sariling lakas at dahas ng dumaluhong ang nagbulid sa kanya.

“When an opponent comes forward, move in and greet him; if he wants to pull back, send him on his way.

“In Aikido we never attack. An attack is proof that one is out of control. Never run away from any kind of challenge, but do not try to suppress or control an opponent unnaturally. Let attackers come any way they like and then blend with them. Never chase after opponents. Redirect each attack and get firmly behind it.”

Puwede na palang maging batayan ng masusulat na aklat-gabay sa hostage-taking crisis ang mga tagubilin ni O-Sensei Ueshiba…

“The Way of a Warrior, the Art of Politics, is to stop trouble before it starts. It consists in defeating your adversaries spiritually by making them realize the folly of their actions.

“The techniques of Aikido change constantly; every encounter is unique, and the appropriate response should emerge naturally. Today's techniques will be different tomorrow. Do not get caught up with the form and appearance of a challenge. Aikido has no form - it is the study of the spirit.”

An’lalim na yata niyon… nasangkot na pati pamumulitika, aampat agad sa sigalot bago pa man ito sumulpot at makapulupot… justice delayed, justice denied unless P150,000 is given to Ombudsman… ito yata ‘yung corporate terms matagal nang ipinagduduldulan sa mga namumuno at pinamumunuan… proactive (kunwari may ginagawa kahit wala), passion for suction (iba na ang magaling sumipsip), shift-shape to adapt to shifting conditions (bumalimbing).

Hanggang sa satsat lang naman.

‘Yan ang kinagigiliwan ko sa sining-tanggulan… kahit may practical and tactical applications sa pagsasanay o totoo nang salpukan, lapat na lapat pa rin at maisasalang hanggang sa iba’t ibang larangan ng pamumuhay, in every sphere of human activity.

Saka mayroon pa ngang spiritual dimension ang kasiningan… talagang hindi katawan lang ang pinapanday sa pagsasanay ng sining.

Saka ‘yun nga, kapag nagsasanay ng iba’t ibang posisyon at pamamaraan, masayang pumapel na nage… laging pumapasok sa uke.

Comments

Post a Comment

Popular posts from this blog

ALAMAT NG TAHONG

SAKBIBI ng agam-agam sa kalagayan ng butihing kabiyak-- at kabiyakan, opo-- na nakaratay sa karamdaman, ang pumalaot na mangingisda ay napagawi sa paanan ng dambuhalang Waczim-- isang bathala na nagkakaloob sa sinuman anumang ibulwak ng bibig mula sa bukal ng dibdib. Pangangailangan sa salapi na pambili ng gamot ng kapilas-pusong maysakit ang nakasaklot sa puso ng matandang mangingisda. 'Di kaginsa-ginsa'y bumundol ang kanyang bangka sa paanan ng Waczim. Kagy at umigkas ang katagang kimkim noon sa kanyang dibdib: "Salapi!" Bumuhos ng salapi-- mga butil at gilit ng ginto-- mula papawirin. At halos umapaw sa ginto ang bangka ng nagulantang na mangingisda, walang pagsidlan ang galak, at walang humpay ang pasasalamat sa mga bathala. Nanumbalik ang kalusugan ng kabiyak ng mangingisda. At lumago ang kabuhayan, naging mariwasa ang magkapilas-puso na dating maralita. Nilasing ng kanyang mga dating kalapit-bahay ang mangingisda-- na hindi ikina...
Post a Comment
Read more

Kuntaw

I T was more than an implement—tough as metal, soft as petal—wielded like lightning to repulse conquerors. Invading Mactan in 1521, Ferdinand Magellan and his men must have thought that their fabled Toledo steel swords would be more than a match more the island’s native defenders—they were dead wrong. The Spaniards never knew what hit them. In the 1900s, American occupation forces in Mindanao particularly in the Sulu islands found themselves under constant harassment from what they called “crazy hermits” or juramentados . The native fighters would fast for days, go through special religious rites, then go forth to storm American garrisons. Even as the .445 caliber pistol was plied out in 1911 to stop seemingly unstoppable fighters, the Americans still never knew what hit them. Looking back with pride at such points in history when their fighting mettle was unleashed in battle, Filipino Muslims, especially the Tausugs of Sulu will, with a little nudge and tug at their patriotic sentimen...
2 comments
Read more

LARAWANG KAPILAS-PUSO (Dulang Kyogen sa Pag-ibig at mga Musmos)

Mga Tauhan: Gombei, ang maghahabi Mariko, ang mananahi-mananandata, kabiyak ni Gombei Daimyo, ang panginoon ng kastilyo Mga Kanayon ni Gombei – pintor, panadero, magbubukid, tindera, atbp. Tatlong Paslit Tatlong Alalay ng Daimyo Dalawang Korombo bilang mga Diwata/Apsara sa Hangin Ilang Kataga sa Pagtatanghal at Tanghalan: Halaw sa isang kuwentong katutubo mula Japan ang akda. Isinalin sa anyong kyogen – dulang katatawanan, mula rin sa naturang bansa. Inangkin sa puso at binigyan ng mga sangkap na Pilipino. Karaniwang sangkap sa kyogen ang kunwa’y di-nakikitang korombo, nakasuot ng itim at madalas na tagapag-abot ng mga kagamitan sa mga tauhang nasa tanghalan. Sa dulang ito, sagisag sa ihip ng hangin at pihit ng kapalaran ang dalawang korombo. Liban sa istruktura na anyong balkonahe sa kanan ng tanghalan at mala-balangkas ng dampa sa kaliwang panig, sayad sa lupa at hitik sa posibilidad ang pagiging payak sa kabuuan ng tanghalan. Sa ganitong kapayakan nakaka...
3 comments
Read more