Skip to main content

HAR-HAR-HAR DINERO


“Great souls have wills, feeble ones have only wishes.” Chinese proverb
“Our bodies are our gardens. Our wills, the gardeners.” William Shakespeare

SANLIBONG piso ang isang punggok na kawayang takip-pagong, higit na kilala sa tawag na “sikmura ni Buddha”… nakatanim na sa pasong plastik, dalawang dangkal ang taas, inangkat daw mula Thailand. Dalawang libo naman sa karaniwang takip-pagong, anim na talampakan ang haba, pinatubo sa sisidlang plastik, maililipat agad saanmang hardin.

Sa balak itanim, hanay na limang puno upang maging matatag na suhay sa likod-bahay—at sa kabuhayan ng pamilya—papatak na lima hanggang sampung libo ang malalagas sa bulsa… ‘langya, magastos talaga ang halamanang pinasimulan sa tahanan ng mga apong Musa at Oyayi.

Sulit naman kung sakali—kung bubuhayin sa kaliwa o silangang bahagi ng lote, tatanggap ang pamamahay ng saganang dragon energy, na pinakamatindi at pinakasuwerteng alimuom na masasagap ng pamamahay at mga naninirahan dito… ganoon ang paniwala sa feng shui… t-teka, isinilang nga pala ang Diablolo sa tinatawag na Hour of the Dragon… kahit sa Taon ng Kabayo (kaya singhaba yata ng kabayo ang… basta mahilig kumabayo) natapat ang pagsilang, mas lapat sa katauhan ang mga katangian ng dragon… kaya siguro madalas mapagawi noon sa Ongpin, sa Dragon theatre… at nakakasagap na ang dalawang apo ng alimuom mula Diablo-loong-erh…

Hindi naman ubrang itulos-patola ang kanilang ingkong sa harapan ng bahay upang ambunan sila ng mga bisa ng dragon. Talagang sa harapan ng bahay itinatanim ang kawayan upang magsaboy ng alimuom ng magandang kapalaran at sandamakmak na pagkakakitaan… Sapat nang basbasan, paulit-ulit, ang dalawang apo at mga anak… sasalin sa kanila ang biyaya na hinahango sa dibdib ng lupa.

Iba na ang hardinero… har-har-har-hard dinero… cool cash!

Sa biglang tingin, pagsisinop lang ng lupa ang paghahalaman, o malalim na pakikiugnayan sa mga pananim at himaymay ng lupa… magbubungkal ng lupa, binubungkal din ng lupa ang nagbubungkal… inaalaagan ang mga ipinunla, mga punla’y inaalagaan din ang nagpunla… the more one giveth, the more he receiveth… the more thorough the interface, the greater the knowledge accruing to the parties involved… and each party gains an edge with the mutual transfer of knowledge.

Napabayaan na ang mga kulumpon ng kawayan sa bahaging harapan ng National Press Club sa Intramuros, pawang nangangalirang, halos naghihingalo na sa hagupit ng tag-init. Walang papalag—kahit pa si NPC President Benny Antiporda-- kung doon ako sisikwat ng kahit 2-3 punggok na suplang ng kawayan… para maipanumbalik muna ang sigla’t masalinan ng buhay.

Iba na ang hardinero… har-har-har-hard dinero… cool cash!

Comments

Post a Comment

Popular posts from this blog

ALAMAT NG TAHONG

SAKBIBI ng agam-agam sa kalagayan ng butihing kabiyak-- at kabiyakan, opo-- na nakaratay sa karamdaman, ang pumalaot na mangingisda ay napagawi sa paanan ng dambuhalang Waczim-- isang bathala na nagkakaloob sa sinuman anumang ibulwak ng bibig mula sa bukal ng dibdib. Pangangailangan sa salapi na pambili ng gamot ng kapilas-pusong maysakit ang nakasaklot sa puso ng matandang mangingisda. 'Di kaginsa-ginsa'y bumundol ang kanyang bangka sa paanan ng Waczim. Kagy at umigkas ang katagang kimkim noon sa kanyang dibdib: "Salapi!" Bumuhos ng salapi-- mga butil at gilit ng ginto-- mula papawirin. At halos umapaw sa ginto ang bangka ng nagulantang na mangingisda, walang pagsidlan ang galak, at walang humpay ang pasasalamat sa mga bathala. Nanumbalik ang kalusugan ng kabiyak ng mangingisda. At lumago ang kabuhayan, naging mariwasa ang magkapilas-puso na dating maralita. Nilasing ng kanyang mga dating kalapit-bahay ang mangingisda-- na hindi ikina...
Post a Comment
Read more

Kuntaw

I T was more than an implement—tough as metal, soft as petal—wielded like lightning to repulse conquerors. Invading Mactan in 1521, Ferdinand Magellan and his men must have thought that their fabled Toledo steel swords would be more than a match more the island’s native defenders—they were dead wrong. The Spaniards never knew what hit them. In the 1900s, American occupation forces in Mindanao particularly in the Sulu islands found themselves under constant harassment from what they called “crazy hermits” or juramentados . The native fighters would fast for days, go through special religious rites, then go forth to storm American garrisons. Even as the .445 caliber pistol was plied out in 1911 to stop seemingly unstoppable fighters, the Americans still never knew what hit them. Looking back with pride at such points in history when their fighting mettle was unleashed in battle, Filipino Muslims, especially the Tausugs of Sulu will, with a little nudge and tug at their patriotic sentimen...
2 comments
Read more

Baka talisay ang kailangan kung mabilis nilalabasan

KAMBAL na hitang nakabukaka ang pahayag—an open statement na hindi pinid at wala nang pasubali o baka masususugan pa. (“Susog” ang salitang ugat na katakam-takam talagang bigkasin dahil kung nanamnamin at hihimas-himasin para bang susong busog ang ibig sabihin.) We’re trying to make sense of a claim we stumbled into about the fruits of an ornamental tree. To wit: “The kernel of Indian almond has shown aphrodisiac activity, it can probably be used in treatment of some forms of sexual inadequacies (premature ejaculation).” For goodness’ sakes, what are those other forms of sexual inadequacies, er, shortages? What’s Indian almond? Higit nating kilala ang Indian almond bilang talisay. Tinatawag ding tropical almond, Java almond, Singapore almond, Pacific almond . Kilala din sa pangalang umbrella tree, badamier, ketapang, huu kwang , at sa mga botanist na mahilig sa boteny tulad ni Ama, Terminalia catappa . Makatas ang hinog na lamukot ng bungang talisay—karaniwang dilaw o namumula ang ku...
3 comments
Read more