Skip to main content

With the Demon Hand pray

“WALA kang kuwentang ina!” walang gatol na halihaw ng laway sa nanay.

“Alila ka lang dito, wala kang karapatan. Palamon ka lang namin,” sampal ng salita sa kasambahay… mula sa bibig ng paslit… hindi ‘to tayutay ni pagpupugay sa kawalang-malay na buong tapang na magsisiwalat ng katotohanan… mula kathang The Emperor’s New Clothes ni Hans Christian Andersen.

Napulot sa soap opera, telenovela, at iba pang pantelebisyong halibasan ng halitosis—pati na sa mga kalaro’t nakakatanda na walang pinagkatandaan—ang mga ganoong pampadugo sa tainga na bigwas ng bunganga’t bulwak ng kalaghara’t dura. Idagdag na ang pangkaraniwan nang “Putang ina mo!”

Aral naman sa ama ang anak na babae hinggil sa igkas-bigkas ng mga makahayop at mahayap na salita… kaya bawal na bawal sa apong Musa Rafaela na manood ng mga naturang agos ng imburnal sa telebisyon… mahigpit ang bilin sa mga kasambahay, na nadamay sa nakagiliwan nang The Sound of Music, Les Miserables, at Cats… na paulit-ulit, walang sawang pinapanood sa mga karaniwang araw—pati na Linggo, Pasko’t pista opisyal-- ng apo. Sumasabay na nga ang diyaske kay Lea Salonga sa A Little Fall of Rain… sumusunod pati sa lamyos-kislot ng katawan ng mga tauhan sa Cats.

Sa totoo nito’y nangangamba ang Anghelola na masagap ng apo ang talim, lalim at laswa ng alimuom sa itinatagang mga kataga ng Diablolo… na matagal nang nasagap ng inang Angeli ni Musa mula sa ‘kin… na numero unong salbahe-he-he-he-he!

Sumusunod lang naman sa payo ni Lao Tzu sa Tao Te Ching: “In family life, be completely present.”

Ano bang kalaswaan? Hindi tahasang masambit ang isang bagay kapag ito’y puspos ng kabanalan… aaminin na ang pinagmulang lungga, kepyas, pekpek, puday o anuman ang malaswa raw na katagang inilalapat dito-- dumugo ba ang tainga mo?-- itinuturing na banal ng inyong imbing lingkod… there I came and shall come and come again and again! “But we say a thing is holy if it makes you laugh,” giit ni John Crowley sa kanyang Fantasy Summer.

Silly? That comes from the German “sellig” which also means "ecstatic," "blessed," or "holy."


Kaya tiyak na pati sa panalangin, masasagap ng mga apo ang kakatwang mudra sa paghango’t paghingi ng biyaya—the lethal demon hand of wuyiquan kung fu rather than the putatively Christian clasped palms that shut off the body’s electric circuits… derived from an imitation of being shackled and thought to be the proper way to express submission to divine power.

The demon hand repeats the act of embracing the rood, the Tree of Life, the fusion of the algebraic x and y axes, the Cross of Christ…
malaswa talaga sa tingin ng tanga.

Pero kailangan talagang may masasagap ang musmos na apo mula halimbawa ng isip, salita at gawa… sasanayin ko sila sa wuyiquan.

Comments

Anonymous said…
單純喜歡你的部落格 要繼續發表好文章喔.........................

Popular posts from this blog

Lagay ng panahon

PAGLALAKBAY ng kalakal at balana, pangisdaan at pagsasaka—sa mga marahas na pihit o mahinahong usad ng panahon nakasalalay ang mga ito.

Hindi mga larong pagsusunugan ng utak o taltalan sa Facebook ang may pinakamalaking bulto ng naghahalungkat sa Internet— lagay ng panahon ang talagang inaalam… ‘hirap kasi sumalunga sa buhos ng unos lalo’t sa bahaging bundok maglilipat-puno o pananim… ‘hirap magpalipad ng saranggola o kahit barko sa halihaw ng bagyo.

Hindi naman pala dapat umasa sa PAGASA—mas asenso pa nga ang “Eat Bulaga” na may domestic satellite para maikalat at ipaalam saanmang lupalop sa Pilipinas at kanugnog na mga bansa ang wasiwas-balakang at yugyog-niyog ng EB Babes… aba’y makikita halos araw-araw na binabayo yata ng bagyo ang mga naturang tagasayaw.

Kaya naman mas tinatangkilik, marubdob na sinusubaybayan ng mga miron saanmang kuyukot at kili-kili ng bansa ang naturang palatuntunan kaysa maayos na paglalakbay, pangisdaan at pagsasaka.

Kaya naman dumadagundong ang katkat ng alipu…

Every single cell of my body's happy

I got this one from Carmelite Sisters from whose school three of my kids were graduated from. They have this snatch of a song that packs a fusion metal and liebeslaud beat and whose lyrics go like this:

"Every single cell of my body is happy. Every single cell of my body is well. I thank you, Lord. I feel so good. Every single cell of my body is well."

Biology-sharp nerds would readily agree with me in this digression... Over their lifetimes, cells are assaulted by a host of biological insults and injuries. The cells go through such ordeals as infection, trauma, extremes of temperature, exposure to toxins in the environment, and damage from metabolic processes-- this last item is often self-inflicted and includes a merry motley medley of smoking a deck a day of Philip Morris menthols, drinking currant-flavored vodka or suds, overindulgence in red meat or the choicest fat-marbled cuts of poultry and such carcass.

When the damage gets to a certain point, cells self-destruct. T…

Ayungin-- comfort food

PAMBIHIRA na ngayon ang makasumpong ng ayungin o lukaok (Therapon plumbeus) sa palengke. Pambihira--kapag nakatagpo ng ayungin para na ring nakatagpo ng matino’t matuwid na tao na nakaluklok sa gobyerno.

Nagmula man sa tubig na tabang, tabsing, o alat, bihira nang makahagilap ng ayungin o silver perch. Palatandaan kasi ang malinamnam na isda na tahasang malinis, halos dalisay ang tubig na pinagmulan nito. Kakayanin ng dalag, tilapia, talandi, biya, gurami, bangus at hito na mabuhay sa maruming tubig—na dagliang lilipol sa kawawang ayungin. Saan bang lupalop ng bansa meron pang lubluban ng tubig na nakaligtas o nakaiwas sa polusyon at pagsalaula?

Pintor-manlililok na Manuel D. Baldemor ang nag-alok sa akin ng ayungin. Hindi talaga ayungin. Anyo na lang ng ayungin ang inialok. Sabi nga’y visual food for thought. Binitad o nakatuhog na tila mga talulot ng bulaklak sa tuhugang tilad na kawayan. Masining na nakabukadkad sa bilao, nakasalampak na anyo sa papel. Hindi na mapapatakam ni magl…