Skip to main content

Kalansaysay


SA udyok na bihisan ng laman at bigyan ng buhay ang natagpuang kalansay para pag-aralan daw ng nakasunod kay Hesukristo, dinagukan ang nakasunod saka sinabihan: “Sarili mong buhay at katawan hindi mo mapag-aralan, gusto mo pang panghimasukan ang sa iba, gunggong ka!”

Matutunghayan ang naturang alamat ng gunggong sa Munaqib—kalipunan ng mga kuwento, himala at aral sa Sufi… nakasulat sa sinaunang wika ng Persia, tinipon at isinalin ni Idries Shah, pinamagatang The Hundred Tales of Wisdom… P239 ang nag-iisang sipi na nabili sa National Book Store.

Makakalkal naman sa global information superhighway or Internet ang isa pang likhang salin ni Idries Shah, The Book of Power na naglalaman ng iba’t ibang pamamaraan para magkamit, gumamit ng karunungan at kapangyarihang itim…

Sumagi sa isip ang ngitngit ng Hesukristo sa kuwento nang maglahad ng santambak na hapis at hinagpis ang katotong dilag… naungkat ang masalimuot na buhay ng ilang kakilala’t kaibigan… naglimi, naghimay, nagtunton at nagsuri batay sa kani-kanilang Facebook account… lakas kasi ng buhos-ulan ng gabing iyon, sumisiksik sa laman ang lamig, mapipilitang tumungga ng Tanduay, makinig, maghintay na humupa ang ulan… schadenfraude mode turned on…

Nagsalpak naman sa puwang, “What’s on your mind?” ng… (I have) to agree with Marcus Tullius Cicero... "Cultivation to the mind is as necessary as food to the body." And cultivating heavenly bodies entails plowing 'em, then, seeding 'em, mwa-ha-ha-ha-haw! (Go ahead; seek out Dong de los Reyes as FB friend, so I can ignore you.)

Napag-alaman ang isang kaibigan na sinasamantala’t ginagawang gatasang baka ng walang trabahong kinakasama—na may batugang asawa’t mga anak… sumusundot ang Tanduay sa laman ng bungo, nag-uudyok na sumigaw, “Why can’t she just walk out on such an asshole, start afresh… get a new life?”

Napag-alaman na tinotorotot at hinuhuthutan lang ng kanyang asawa ang isa pang kaibigan… na hindi malaman ang susulingan para kumita, para mairaos ang walang saysay na luho ng asawa… now, the ravening wolf in me howls in pain at the rain…


Nabihisan ng laman ang mga nakangiting kalansay na larawan na hinukay mula Facebook…

Umaalingawngaw sa ulirat ang bulyaw ng Hesukristo sa mapanghimasok na tagasunod: “Sarili mong buhay at katawan hindi mo mapag-aralan, gusto mo pang panghimasukan ang sa iba, gunggong ka!”

Kaya uukilkil ang gagawin sa kinabukasan… wala pang sumasayad na pagkain sa sikmura, muling magsasapin sa katawan ng mga mumunting himaymay ng panibagong laman… routine drills in the so-called “Demon Hand” coaxes the ooze of human growth hormone (HGH) to weave wee strips of dark flesh beneath the skin… fond thought and reflex action are fused in such drills.

Saka muling sisipatin ang sarili sa salamin. Hihinga nang malalim, ibabaon mula gulugod hanggang talampakan ang hininga…

Saka maghihilamos, lalagok ng kakaibang tubig mula Kasulatan, Bhagavad-Gita, Munaqib, Quor’an…

Love this serene life.

Comments

Post a Comment

Popular posts from this blog

ALAMAT NG TAHONG

SAKBIBI ng agam-agam sa kalagayan ng butihing kabiyak-- at kabiyakan, opo-- na nakaratay sa karamdaman, ang pumalaot na mangingisda ay napagawi sa paanan ng dambuhalang Waczim-- isang bathala na nagkakaloob sa sinuman anumang ibulwak ng bibig mula sa bukal ng dibdib. Pangangailangan sa salapi na pambili ng gamot ng kapilas-pusong maysakit ang nakasaklot sa puso ng matandang mangingisda. 'Di kaginsa-ginsa'y bumundol ang kanyang bangka sa paanan ng Waczim. Kagy at umigkas ang katagang kimkim noon sa kanyang dibdib: "Salapi!" Bumuhos ng salapi-- mga butil at gilit ng ginto-- mula papawirin. At halos umapaw sa ginto ang bangka ng nagulantang na mangingisda, walang pagsidlan ang galak, at walang humpay ang pasasalamat sa mga bathala. Nanumbalik ang kalusugan ng kabiyak ng mangingisda. At lumago ang kabuhayan, naging mariwasa ang magkapilas-puso na dating maralita. Nilasing ng kanyang mga dating kalapit-bahay ang mangingisda-- na hindi ikina...
Post a Comment
Read more

Kuntaw

I T was more than an implement—tough as metal, soft as petal—wielded like lightning to repulse conquerors. Invading Mactan in 1521, Ferdinand Magellan and his men must have thought that their fabled Toledo steel swords would be more than a match more the island’s native defenders—they were dead wrong. The Spaniards never knew what hit them. In the 1900s, American occupation forces in Mindanao particularly in the Sulu islands found themselves under constant harassment from what they called “crazy hermits” or juramentados . The native fighters would fast for days, go through special religious rites, then go forth to storm American garrisons. Even as the .445 caliber pistol was plied out in 1911 to stop seemingly unstoppable fighters, the Americans still never knew what hit them. Looking back with pride at such points in history when their fighting mettle was unleashed in battle, Filipino Muslims, especially the Tausugs of Sulu will, with a little nudge and tug at their patriotic sentimen...
2 comments
Read more

LARAWANG KAPILAS-PUSO (Dulang Kyogen sa Pag-ibig at mga Musmos)

Mga Tauhan: Gombei, ang maghahabi Mariko, ang mananahi-mananandata, kabiyak ni Gombei Daimyo, ang panginoon ng kastilyo Mga Kanayon ni Gombei – pintor, panadero, magbubukid, tindera, atbp. Tatlong Paslit Tatlong Alalay ng Daimyo Dalawang Korombo bilang mga Diwata/Apsara sa Hangin Ilang Kataga sa Pagtatanghal at Tanghalan: Halaw sa isang kuwentong katutubo mula Japan ang akda. Isinalin sa anyong kyogen – dulang katatawanan, mula rin sa naturang bansa. Inangkin sa puso at binigyan ng mga sangkap na Pilipino. Karaniwang sangkap sa kyogen ang kunwa’y di-nakikitang korombo, nakasuot ng itim at madalas na tagapag-abot ng mga kagamitan sa mga tauhang nasa tanghalan. Sa dulang ito, sagisag sa ihip ng hangin at pihit ng kapalaran ang dalawang korombo. Liban sa istruktura na anyong balkonahe sa kanan ng tanghalan at mala-balangkas ng dampa sa kaliwang panig, sayad sa lupa at hitik sa posibilidad ang pagiging payak sa kabuuan ng tanghalan. Sa ganitong kapayakan nakaka...
3 comments
Read more