Skip to main content

Panata sa kalayaan: Piging


Nagnanaknak nang sugat ang Aklat ng Magandang Balita, nakadambana sa limahid sa libag, inaamag na hapag-- tigmak sa tuyong luha ng mga tulos ng itim na kandila-- na nakapagitna sa umpukan ng 13 Hukluban, bawat isa'y waring agaw-buhay sa 40 araw-gabi ng sama-samang ayuno. Nakanganga't nagsusumigaw ang naninilaw nang dahon ng Kasulatan sa kakatwang talata mula kay San Lucas: 'Sinabi ng Diyablo, "Ibibigay ko sa iyo ang lahat ng kapangyarihan at kadakilaan ng mga ito. Ipinagkaloob ang lahat ng ito sa akin,  at maaari kong ibigay kung kanino ko gusto.'"



Sunod-sunod na alon ng tinig ng 13 mala-kalansay nang anyo ang  kakaibang kahilingan: "Devorabis omnes, fiat! Devorabis omnes,  fiat!  Devorabis omnes, fiat!"

Sa kanluran, hintakot na nagsusumiksik ang araw niyong ika-apat na Lunes ng Hulyo: humahagupit ang alikabok at alinsangan sa lansangang nakakiwal na ahas sa gilid ng Gusaling Batasan-- na binakuran na ng mga unipormadong pulis, pinaligiran ng mga halang na may likaw-likaw na isaw ng barbed wire...

Tumatahip ang haplit ng hangin sa kulubong na balumbon ng mga ulap sa papawirin; waring nagbabanta ng sungit ng panahon, ng kung anong unos.

Sa bulwagan ng Gusaling Batasan, nagsimula na ang bulwak-imburnal na talumpati ng Pinuno ng Bansa-- at nakatuon sa kanya ang paningin ng bawat kabig, kampon, at kakampi. Ni hindi napansin, walang tumingala sa suson-susong hanay ng talim-balaraw sa kisame na nakatuon sa Pinuno, sa bawat kabig, kampon, at kakampi. Sa kanilang mga hala'l.

Suson-susong hanay ng talim-balaraw. Naghihintay ng hudyat.

Sa labas ng gusali, sumilay ang kakatwang ngiti sa tayantang na kongkreto't aspalto. Sa bitak na ngiti, alimuom-kidlat na sumingaw muna. Sumisingasing. Saka tumalunton tungo sa Gusaling Batasan na namumuwalan sa mga hala'l.

Sa papawirin, kumikisay sa hagupit ng hangin ang alkitrang balumbon ng mga ulap na may kakatwang mga hugis at anyo.

Taimtim na dagundong ng batingaw ang sama-samang tinig ng 13 Hukluban: "Devorabis omnes, fiat! Devorabis omnes..."

Tumalima ang mga inatasan, sinalikop ang bulwagang kinatitipunan ng mga inihalal ng taumbayan upang lumuklok at maglingkod sa bayan. Banayad na umagos ang dambuhalang karimlan-- mula sa bumukang bunganga ng lansangan, mula sa nagdilim nang papawirin.

Bumuhos ang ulan ng mga balaraw-- kasunod ang agos ng kung anong alimuom na isiningaw ng nakangangang lansangan.

Iglap na nagawak ang lalamunan at anit ng Pinuno na nagsisimula nang maghasik ng mura't kalaswaan..



Balik-tanaw sa lumipas: 2020 Anno Domini nang tila diklap na tuluyang pinagliyab ang tradisyon ng piging-- hayagang paghahandog ng mga hala'l upang pagsaluhan ng hayok na karimlan.

Angkop marahil ang taong 2020-- katumbas niyon ang 20/20 pananaw ng paningin na walang pinsala. At tumatanaw mula balintataw ang nakakubling kaluluwa.

Ay, oo nga: itinuturing na masinop at sagradong paraan ng pagkatay sa animal ang hala'l.

Ay, oo, ayuno bago naidaos ang piging-- 40 araw na ayuno, kawangki ng usad ng mga taon ng lakbay-disyerto ng sambayanang Judeo, nag-aapuhap sa Lupaing Pangako, na binubukalan ng pulot at gatas.

Ayuno tulad niyong ginawa ng Manunubos bago nagsagawa ng mga himala. Ayuno sa kasagsagan ng buhos-ulan at halinghing-orgasmo ng Hunyo.


Matapos ang piging sa Bulwagang Batasan, ipinalapang pa ng 13 Hukluban ang 16 na angaw na nagluklok sa Pinuno.

Comments

Post a Comment

Popular posts from this blog

ALAMAT NG TAHONG

SAKBIBI ng agam-agam sa kalagayan ng butihing kabiyak-- at kabiyakan, opo-- na nakaratay sa karamdaman, ang pumalaot na mangingisda ay napagawi sa paanan ng dambuhalang Waczim-- isang bathala na nagkakaloob sa sinuman anumang ibulwak ng bibig mula sa bukal ng dibdib. Pangangailangan sa salapi na pambili ng gamot ng kapilas-pusong maysakit ang nakasaklot sa puso ng matandang mangingisda. 'Di kaginsa-ginsa'y bumundol ang kanyang bangka sa paanan ng Waczim. Kagy at umigkas ang katagang kimkim noon sa kanyang dibdib: "Salapi!" Bumuhos ng salapi-- mga butil at gilit ng ginto-- mula papawirin. At halos umapaw sa ginto ang bangka ng nagulantang na mangingisda, walang pagsidlan ang galak, at walang humpay ang pasasalamat sa mga bathala. Nanumbalik ang kalusugan ng kabiyak ng mangingisda. At lumago ang kabuhayan, naging mariwasa ang magkapilas-puso na dating maralita. Nilasing ng kanyang mga dating kalapit-bahay ang mangingisda-- na hindi ikina...
Post a Comment
Read more

Kuntaw

I T was more than an implement—tough as metal, soft as petal—wielded like lightning to repulse conquerors. Invading Mactan in 1521, Ferdinand Magellan and his men must have thought that their fabled Toledo steel swords would be more than a match more the island’s native defenders—they were dead wrong. The Spaniards never knew what hit them. In the 1900s, American occupation forces in Mindanao particularly in the Sulu islands found themselves under constant harassment from what they called “crazy hermits” or juramentados . The native fighters would fast for days, go through special religious rites, then go forth to storm American garrisons. Even as the .445 caliber pistol was plied out in 1911 to stop seemingly unstoppable fighters, the Americans still never knew what hit them. Looking back with pride at such points in history when their fighting mettle was unleashed in battle, Filipino Muslims, especially the Tausugs of Sulu will, with a little nudge and tug at their patriotic sentimen...
2 comments
Read more

Baka talisay ang kailangan kung mabilis nilalabasan

KAMBAL na hitang nakabukaka ang pahayag—an open statement na hindi pinid at wala nang pasubali o baka masususugan pa. (“Susog” ang salitang ugat na katakam-takam talagang bigkasin dahil kung nanamnamin at hihimas-himasin para bang susong busog ang ibig sabihin.) We’re trying to make sense of a claim we stumbled into about the fruits of an ornamental tree. To wit: “The kernel of Indian almond has shown aphrodisiac activity, it can probably be used in treatment of some forms of sexual inadequacies (premature ejaculation).” For goodness’ sakes, what are those other forms of sexual inadequacies, er, shortages? What’s Indian almond? Higit nating kilala ang Indian almond bilang talisay. Tinatawag ding tropical almond, Java almond, Singapore almond, Pacific almond . Kilala din sa pangalang umbrella tree, badamier, ketapang, huu kwang , at sa mga botanist na mahilig sa boteny tulad ni Ama, Terminalia catappa . Makatas ang hinog na lamukot ng bungang talisay—karaniwang dilaw o namumula ang ku...
3 comments
Read more