Skip to main content

PRETENSE

WE pretend working; they pretend paying us.



Kaya malinis na ‘yung sanlibo o sanlibo limandaan—saka pakain-- na inihatag sa mga kinaon para tumutok sa isa sa mga “pagawaan ng boto” sa Mindanao… pinugutan ang mga lalaki, ginahasa muna bago pinatay ang mga babae, may mga nanay sa kanila… karamihan ay choice moms, single mothers, bagong panganak ang dalawa, nilaslas ang mga suso, ginawak ang mga ari… 15 lahat, pati na katoto’t katunggaang Bong Reblando ng Bulletin. Sumuong sila sa ganoong lupalop dahil sa umiiral na kalagayan sa aming napiling hanapbuhay.



Kasi nga: We pretend working; they pretend paying us.



Nang atasan akong magtungo do’n para sumulat ng ulat, dalawa lang ang hiling ko sa mga katoto sa Philippine Marines—(1) nueve mil Beretta sidearm, (2) M-14 with four clips of ammo. Yeah, the penis mightier than the sword but a sidearm and an assault rifle can be handier. Mababayaran naman ako ng P2.50 bawat kataga—asahang hahataw ng mga 2,000 para kumatas ng P5,000 less 10% withholding tax na mapupunta sa sahod ng mga nasa goberyno. Ah, such certainty of death and taxes.



Pinalad na may nakatunggaan na doon isinilang at lumaki sa patutunguhan, nakasagap ng masinop na situationer sa lalawigan… ayaw ng mga halal na puno doon sa pagpasok ng gaya ko para magkalkal… buo na ang loob kong kumalap ng masusulat do’n… Sa kung anong pihit ng pagkakataon, ‘yun mismong lokal na pinunong magbababa ng atas para itumba ang tulad ko… siya ang tigok.



Hindi ka maniniwala pero parang musmos pa rin ako, walang humpay na nananawagan sa isa sa mga matamis na pangalan ni Allah, Krishna o Yahweh—na ang nakatokang taliba ay nagngangalang Tar’athyail. Siya mismo ang tinatawag na “anghel ng kamatayan at pagpuksa.” Kapag may magtatangka ng masama sa taimtim ang panawagan, maagap kumilos ang kalawit ng Tar’athyail… mahirap mapigilan… hindi pumipili ng gigilitan, pulubi o pinuno man.



H’wag mag-alala’t tiyak walang kahihinatnan ang anumang gagawing hakbang ng gobyerno anumang nangyari sa naturang “lalawigang pabrika ng boto.” Kuhol na hindi matutungkab ang kapit-supsop ng kapural niyon sa Malakanyang. In faith grim and steadfast, we can only offer an endless cycle of prayers to a dulcet name of the Maker whose guardian is the angel of death. Uh, here’s no angel of taxes…



Nagbigay minsan ng panayam sa mga mag-aaral at kapatid sa pangangailangan diyan sa pinagmumulan ng amihan—diay ti amianan. Natuklasan na jueteng lords pala ang mga maunawaing Samaritano na nagtutustos ng P1,000-2,000 a week sa mga kapatid sa hanapbuhay. Praise the jueteng lords!



‘Yung mga hindot na nasa Senado’t Kamara? Ni hindi nagsampa ng kahit kulangot na panukala ang mga ‘yan para maitakda ng batas ang sahod para sa mga peryodista—na hindi papayagan ng Comelec na magkaroon ng party list.



Pass-on readership included, this explanation on seeing print gets to be read—and would be grossly misunderstood—by around 1.5 million Filipinos. So what if I am a pen-slinger who has turned to racket science?



But the staid fact stays: We pretend working, they pretend paying us
.

Comments

tagskie said…
hi.. just dropping by here... have a nice day! http://kantahanan.blogspot.com/
JanuskieZ said…
Hi... Looking ways to market your blog? try this: http://bit.ly/instantvisitors
fast said…
我是天山,等待一輪明月。.........................

Popular posts from this blog

Every single cell of my body's happy

I got this one from Carmelite Sisters from whose school three of my kids were graduated from. They have this snatch of a song that packs a fusion metal and liebeslaud beat and whose lyrics go like this:

"Every single cell of my body is happy. Every single cell of my body is well. I thank you, Lord. I feel so good. Every single cell of my body is well."

Biology-sharp nerds would readily agree with me in this digression... Over their lifetimes, cells are assaulted by a host of biological insults and injuries. The cells go through such ordeals as infection, trauma, extremes of temperature, exposure to toxins in the environment, and damage from metabolic processes-- this last item is often self-inflicted and includes a merry motley medley of smoking a deck a day of Philip Morris menthols, drinking currant-flavored vodka or suds, overindulgence in red meat or the choicest fat-marbled cuts of poultry and such carcass.

When the damage gets to a certain point, cells self-destruct. T…

Singkamas

MAYAMAN pala sa tinatawag na phytochemicals o sangkap na panlaban sa samut-saring sakit ang singkamas—na sa alias nito sa Latin ay talagang kahindik-hindik na ang dating, Pachyrhizus erosus. Tunog erotikong suso sa dulo.

Jicama ang pangalan nito sa pinagmulang lupalop. Mula pa Mexico, nakarating sa ating pampangin nitong kasagsagan ng kalakalang Manila-Acapulco. Jicama. Sumablay ang bigkas dahil kasintunog ng “higa kama.” Nabalbal. Naging singkamas sa ating wika.

Pampigil sa salakay ng kanser, pampababa ng antas ng masamang cholesterol sa dugo, likas din na antibiotic o pamuksa ng mikrobyo sa katawan. Pampalakas sa likas na panlaban ng katawan kontra sakit. Anti-oxidant o pampahupa sa pagiging amoy-lupa. Karaniwan ding gamit na sangkap sa siomai at lumpia.

Hubad na lumpia! Opo, hindi hubo’t hubad ang tawag sa naturang lutuin. Hubad lang. Masarap kung may kalahok pang budbod na mani.

Kaya nakagawian nang talupan ng mga hayok. Ilalantad ang kinis-labanos na laman na pinipithaya (kahu…

KASI NANLABAN