Wednesday, November 24, 2004

Aanhin pa ang kabayo kung patay na ang damuho

Aanhin pa ang kabayo
kung patay na ang damuho?

PULOT, darak, tubig saka grassolina - ganoon ang kailangan para maipasada ang one-horsepower kalesa.

Magbawas man ang damuho sa kalsada, mag-uunahan ang mga mahilig maghalaman sa deposito de caballo. Organikong abono na mahusay sa halaman ang tuyong dumi ng kabayo.

Hindi rin parusa sa bulsa ang mga sangkap para manatiling in good running condition ang kabayo. Susulak sa inggit ang mga hinayupak na oil multinationals: grassoline is crude as crude gets and is immune from such phenomena as OPEC production cuts, price backwardation or contango, manipulated landed costs and stiff excise taxes, mwa-ha-ha-haw!

Grassoline is nearly pure cellulose, a little lignin laced with lots of chlorophyll, vitamins A, B-complex and C, minerals and phytochemicals - nagtusak sa tabi-tabi ng mga ilog, parang, sapa at pilapil. Ibig lang sabihin: totally compliant sa Clean Air Act ang grassoline fuel for the one-horsepower kalesa. Now, that's state-of-the-art, earth-friendly fuel!

C'mon guys, meron pa ring 0.03% na tetraethyl lead - ang consuelo de bobong nakakabobo -- ang tinatawag na Clean Air Act-compliant gas, asereje-he-he-he!

Ah, how I terribly ache for my beloved angel who sings me that grade-school song: "Tayo'y sumakay sa kabayo, mabilis tumakbo ang kabayo ko, tulad nito ay ipu-ipo...bilisan ang pagtakbo."

Haay, San Lazaro at Sta. Ana, sana ay ipinag-adya ninyo kami sa sandamakmak na TARANTODA - na ngayon nga ay naglipana. Naging mabigat pang problema ang 2T- two stroke motor oil na tahasang labag sa alituntunin ng Clean Air Act, isa na namang de-pustisong batas. Walang kagat -- no wisdom tooth. Sumingaw na utot.

Yeah, there's this sinking feeling that dentally deficient laws can only be made by mentally deficient lawmakers, pwe-he-he-he!

Then again, hindi talaga masinsinan ang tuusan ng tinatawag na eco-environment tradeoffs nang isalang sa ating mga lansangan ang mga angkat na motor - na lalamon ng 2T-two stroke motor oil.

Balik-tanaw na lang ang pagtutuos. Ni hindi kailangan ng kahit singkong duling sa pantustos na grassolina sa kabayo. Mabigat din sa bulsa ang gatong-pampasada ng TARANTODA. Walang magagawang pinsala sa kapaligiran kahit utot ng kabayo; ni hindi papalo sa 20 decibels ang halinghing o singhap nito. Higit sa 50 decibels - noise pollution talaga - ang dahak-motor ng TARANTODA; lason ang buga ng tambutso nito.

Aanhin pa ang kabayo kung patay na ang damuho? Sabi nga ng mga Gutom Jones, "I'm so famished I could eat a horse." Kahit makunat, masarap ang tapa nito na dating lihim na sangkap ng orig Blumentritt version ng tapsilog (tapa-sinangag-beklog).

Mayaman sa mineral na iron at mikrobyo ng tetanus ang motor ng TARANTODA. Sige, subukang lapangin ang kinalawang na tricycle, mwa-ha-ha-haw!

Taas-noo ang kabayo sa halinghing: in oriental semiology, the horse represents the unfettered, footloose and fancy-free. Idadahak ng TARANTODA: this machine represents dollar outflows and dependence on imported spare parts and imported fuels. In short, walang pakabig, puro tulak-palabas.

The horse connotes dignified horse sense - that's why you can bet on it. What about the TARANTODA machine? Renda't bentang benda ng dayuhan sa utak ng Penoy bugok, mwa-ha-ha-haw!

Ah, how I terribly ache for my beloved angel who sings me that grade-school song: "Tayo'y sumakay sa kabayo, mabilis tumakbo ang kabayo ko, tulad nito ay ipu-ipo...bilisan ang pagtakbo."

"Ma" ang unang pantig na bibigkasin ng bawat musmos. Katuturan niyon sa wikang Tsino: kabayo. "Mama" ang kasunod na pantig na iigkas na salita ng kawalang-malay. Oo, kambal na kabayo ang katuturan ng ina sa gayon ding wika. No, I'm not horsing around here. There's beautiful significance in nuzzling up such root words.

Inungkat ni Mars (isang blackbelt karateka, masugid na tagasubaybay at may-ari ng Sanitary Laundry sa South Calookan City) kung nagamit na ng kulamnista ang iniingatang lihim sa sining-tanggulan.

"Ma tai feng" ang tawag sa umigkas na kaalaman. "Abundance of peaceful horses" - naglisaw na mga kabayong tiwasay ang katuturan niyon. Naibali ng tuhod ang paraan na may sangkap na lakas-diwa ng kabayo.

Ah, how I terribly ache for my beloved angel who sings me that grade-school song: "Tayo'y sumakay sa kabayo, mabilis tumakbo ang kabayo ko, tulad nito ay ipu-ipo...bilisan ang pagtakbo."

Hee-yaah! Pagpalain ng biyaya ng Lumikha ang bawat masikap at maatikha!

1 comment:

Liebertraum said...

hey! cool site!! but it seems you stopped posting since November? Wag naman, sayang.

Cheers!