HINDI naman pala tumataginting na pilak at limpak-limpak ang hinihinging handog ng Maykapal—ni hindi nga ikasampung bahagi o 10% ng kita na kinakabig ng mga pangkatin na isinasangkalan ang mga pangalang Kristo (marami nito saanmang sabungan), Ma-el s’ya ‘day (sumasamba’t dumadamba ang tulad ko kay Elpu ‘day) o kahit pa Batman, Superman, at suman.
Nakabungkal na nga sa Qur’an ang walang pangiming bilin ni Allah na “Kami ang magdudulot sa iyo ng biyaya. Hindi ikaw ang magbibigay (sa Amin) ng biyaya.”
Sa Bhagavad-Gita (Song of God), lalong nakaligtas ang bulsa sa mga panganib, parusa, at pangakong “siksik, liglig at umaapaw” ng mga namamayagpag-angas sa pulpito, entablado o kahit na sa bus na humaharurot sa kahabaan ng EDSA… laganap na talaga ang holdapan kung saan-saan.
“Putram, puspam, phalam, toyam.”
Hindi po ito bahagi ng “Oratio Imperata” na taimtim na inuusal upang maiwasan ang mga kagimbal-gimbal na kalamidad—tulad ng kalam-sikmura sa sambuwang gutom… halalan 2010, “Hello Garci,” ZTE-NBN deal… pakulong fertilizer a la Joc-joc Bolante… kandidatura ni Bayani Fernando at Erap Estrada… nasilat na de-padyak ni Mar Roxas… Charter Change at Con-Ass… pagbili ng P100-M swine flu vaccine kahit naghahagilap pa ng mga biktima niyong sakit… balisawsaw ni Ondoy na kaanak daw ni Mang Pandoy… teleseryeng para yata sa mga bobotante… alipunga’t hadhad sa singit na hindi matungkab ng Rexona… Pepeng iihi’t iihip… birit na pag-alulong ng kanta… pagsalida sa Marikina ng isang walang kalatoy-latoy na artista na dumapurak sa puso’t dibdib ng kanyang mga masugid na tangahanga matapos walang paglingon at paglinga kaliwa’t kanan na sinagip nito ang isa ring walang latoy na artista habang nakatunganga sa kanilang paligid ang nangangatog na daan-daang tangahanga na sinalanta din pala ni Ondoy…
Dahon, bulaklak, bunga, tubig. ‘Yan ang katumbas niyong mga katagang Sanskrit.
Ang mga ‘yon ang maihahandog—at tahasang tatanggapin. Parang musmos pala ang Maykapal na inaalayan ng mga pinakapayak na bagay na mahahagilap sa paligid.
Sa ika-26 na taludtod, pansiyam na aral ng Bhagavad-Gita, ito ang wika ng Maykapal: “If one offers Me with love and devotion a leaf, a flower, a fruit or water, I will accept it.”
Maipagkakait pa ba ang mga abot-kaya, abot-kamay na handog… na kailangan lang lakipan ng lantay na pagmamahal at pananalig?
Matapos ngang ialay ang kapipitas na bungkos na dahon ng ampalaya, naisama pa nga sa ginisang munggo na may hinimay na tinapang Salinas at hibe… naging food for lesser gods… like me.
Ganoon din ang simpleng seremonya sa bulaklak ng katuray bago gawing ensalada. Pati sa bunga ng okra, talong at ampalaya bago ilahok sa pinakbet.
Ganoon lang ang pag-aalay. Lalo na sa saganang buhos ng unos.
Nakabungkal na nga sa Qur’an ang walang pangiming bilin ni Allah na “Kami ang magdudulot sa iyo ng biyaya. Hindi ikaw ang magbibigay (sa Amin) ng biyaya.”
Sa Bhagavad-Gita (Song of God), lalong nakaligtas ang bulsa sa mga panganib, parusa, at pangakong “siksik, liglig at umaapaw” ng mga namamayagpag-angas sa pulpito, entablado o kahit na sa bus na humaharurot sa kahabaan ng EDSA… laganap na talaga ang holdapan kung saan-saan.
“Putram, puspam, phalam, toyam.”
Hindi po ito bahagi ng “Oratio Imperata” na taimtim na inuusal upang maiwasan ang mga kagimbal-gimbal na kalamidad—tulad ng kalam-sikmura sa sambuwang gutom… halalan 2010, “Hello Garci,” ZTE-NBN deal… pakulong fertilizer a la Joc-joc Bolante… kandidatura ni Bayani Fernando at Erap Estrada… nasilat na de-padyak ni Mar Roxas… Charter Change at Con-Ass… pagbili ng P100-M swine flu vaccine kahit naghahagilap pa ng mga biktima niyong sakit… balisawsaw ni Ondoy na kaanak daw ni Mang Pandoy… teleseryeng para yata sa mga bobotante… alipunga’t hadhad sa singit na hindi matungkab ng Rexona… Pepeng iihi’t iihip… birit na pag-alulong ng kanta… pagsalida sa Marikina ng isang walang kalatoy-latoy na artista na dumapurak sa puso’t dibdib ng kanyang mga masugid na tangahanga matapos walang paglingon at paglinga kaliwa’t kanan na sinagip nito ang isa ring walang latoy na artista habang nakatunganga sa kanilang paligid ang nangangatog na daan-daang tangahanga na sinalanta din pala ni Ondoy…
Dahon, bulaklak, bunga, tubig. ‘Yan ang katumbas niyong mga katagang Sanskrit.
Ang mga ‘yon ang maihahandog—at tahasang tatanggapin. Parang musmos pala ang Maykapal na inaalayan ng mga pinakapayak na bagay na mahahagilap sa paligid.
Sa ika-26 na taludtod, pansiyam na aral ng Bhagavad-Gita, ito ang wika ng Maykapal: “If one offers Me with love and devotion a leaf, a flower, a fruit or water, I will accept it.”
Maipagkakait pa ba ang mga abot-kaya, abot-kamay na handog… na kailangan lang lakipan ng lantay na pagmamahal at pananalig?
Matapos ngang ialay ang kapipitas na bungkos na dahon ng ampalaya, naisama pa nga sa ginisang munggo na may hinimay na tinapang Salinas at hibe… naging food for lesser gods… like me.
Ganoon din ang simpleng seremonya sa bulaklak ng katuray bago gawing ensalada. Pati sa bunga ng okra, talong at ampalaya bago ilahok sa pinakbet.
Ganoon lang ang pag-aalay. Lalo na sa saganang buhos ng unos.
Comments