Skip to main content

Edad-29


HINDI kailanman nagpalipad ng orasyon sa gayuma… hindi mahirap bumasa ng ibinubunyag o tahasang ibinubuyangyang ng katawan, body language… nakakabahala ang inihahayag ng katawan ng kausap, edad-29, “ikagagalak kong ikaw’y makadaupang-ari.”

Kaedad siya ng tanging anak na babae… dalawang apo na mula sa anak. Nagsabi pa ang ikatlong anak… mamamanhikan na raw kami’t kasunod na niyon ang pakikipagtaling-puso sa kanyang kaliyag ng may tatlong taon. Makikipaglaro’t magbibigay-aralin na naman sa mga isisilang na apo… Wuyiquan. Shorin-ryu karatedo. Jujutsu. Chess. Kali-dumog.Tumbang preso. Paghuli ng tutubi, salagubang, gagamba’t iba pa. Pagkilala sa mga pakikinabangang halamang-ligaw. Taguan-pung. Nemo dat quod non habet.

‘Yun nga ang talagang lalabas na sagwil, balakid, sagabal o hadlang… nemo dat quod non habet, hindi maibibigay ng sinuman ang hindi niya taglay… tig-24 oras lang ang paghahati-hatian sa isang araw.

Napakaraming humihingi’t namamalimos na pag-ukulan sila ng kahit katiting na panahon. Mapapakamot ng batok sa gawi ng mga gunggong, ubos ang 24 oras sa walang patumanggang katsang, pwe-he-he-he!

Quality time is gold; best to plunk that in shares that pay perpetual dividends.

Madali pang humutok ng mga musmos… ipanuto sa mga wastong gawi na dadalhin nila hanggang sa tumanda’t isasalin sa susunod sa kanila.

Naisalin ang gawi sa mga anak, nakatakdang magsalin muli sa mga apo. Nemo dat quod non habet.

Kasabihan nga ng mga Tsino: “Kikita matapos ang ilang buwan kung maglilinang ng gulay. Tuloy ang kita matapos ang 5 taon kung magsisinop ng namumungang puno. Tuloy-tuloy ang kita nang higit 100 taon kung ipapanuto ang mga musmos.”

Astig masyado kapag nagsasalang ng diskarte na aangkop sa mas mahabang singkad at singkaw ng panahon… hindi sa panandaliang bugso o sutsot ng kapritso’t uso.

Oo, uso na ngayon ang fubu… hindi kaibigang matalik, basta maibigang katalik. Eh, ‘hirap pa naman ng tinatawag na ectopic pregnancy… ‘yung anak sa labas.

Hindi pa rin patas ang mundo, hindi pa nabubuntis ang lalaki.

Choice mom na ang tawag sa single mother ngayon… nagpapahiwatig na pinili nila ang ganoong kalagayan… sila na ang humiwalay sa walang kuwenta o batugang asawa, hindi sila ang hiniwalayan!

Hindi mahirap magbasa ng kislot at kilos ng katawan, lalo na ang ikinakatas na halimuyak ng baba, eh…

Diablolo na nga ako kaya nagagawa pang sabihin sa sabik na nakausap, edad-29 man… o isang nagkamaling edad-19 minsan… take a number, my dear, and wait for your turn.

Buwan ng buhay na kumot ang Hunyo… at maraming buhay na kumot ang nais maikumot kahit na panandaliang pakikipag-ulayaw sa mga sandaling nakaw, mwa-ha-ha-haw!

Comments

Post a Comment

Popular posts from this blog

ALAMAT NG TAHONG

SAKBIBI ng agam-agam sa kalagayan ng butihing kabiyak-- at kabiyakan, opo-- na nakaratay sa karamdaman, ang pumalaot na mangingisda ay napagawi sa paanan ng dambuhalang Waczim-- isang bathala na nagkakaloob sa sinuman anumang ibulwak ng bibig mula sa bukal ng dibdib. Pangangailangan sa salapi na pambili ng gamot ng kapilas-pusong maysakit ang nakasaklot sa puso ng matandang mangingisda. 'Di kaginsa-ginsa'y bumundol ang kanyang bangka sa paanan ng Waczim. Kagy at umigkas ang katagang kimkim noon sa kanyang dibdib: "Salapi!" Bumuhos ng salapi-- mga butil at gilit ng ginto-- mula papawirin. At halos umapaw sa ginto ang bangka ng nagulantang na mangingisda, walang pagsidlan ang galak, at walang humpay ang pasasalamat sa mga bathala. Nanumbalik ang kalusugan ng kabiyak ng mangingisda. At lumago ang kabuhayan, naging mariwasa ang magkapilas-puso na dating maralita. Nilasing ng kanyang mga dating kalapit-bahay ang mangingisda-- na hindi ikina...
Post a Comment
Read more

Kuntaw

I T was more than an implement—tough as metal, soft as petal—wielded like lightning to repulse conquerors. Invading Mactan in 1521, Ferdinand Magellan and his men must have thought that their fabled Toledo steel swords would be more than a match more the island’s native defenders—they were dead wrong. The Spaniards never knew what hit them. In the 1900s, American occupation forces in Mindanao particularly in the Sulu islands found themselves under constant harassment from what they called “crazy hermits” or juramentados . The native fighters would fast for days, go through special religious rites, then go forth to storm American garrisons. Even as the .445 caliber pistol was plied out in 1911 to stop seemingly unstoppable fighters, the Americans still never knew what hit them. Looking back with pride at such points in history when their fighting mettle was unleashed in battle, Filipino Muslims, especially the Tausugs of Sulu will, with a little nudge and tug at their patriotic sentimen...
2 comments
Read more

LARAWANG KAPILAS-PUSO (Dulang Kyogen sa Pag-ibig at mga Musmos)

Mga Tauhan: Gombei, ang maghahabi Mariko, ang mananahi-mananandata, kabiyak ni Gombei Daimyo, ang panginoon ng kastilyo Mga Kanayon ni Gombei – pintor, panadero, magbubukid, tindera, atbp. Tatlong Paslit Tatlong Alalay ng Daimyo Dalawang Korombo bilang mga Diwata/Apsara sa Hangin Ilang Kataga sa Pagtatanghal at Tanghalan: Halaw sa isang kuwentong katutubo mula Japan ang akda. Isinalin sa anyong kyogen – dulang katatawanan, mula rin sa naturang bansa. Inangkin sa puso at binigyan ng mga sangkap na Pilipino. Karaniwang sangkap sa kyogen ang kunwa’y di-nakikitang korombo, nakasuot ng itim at madalas na tagapag-abot ng mga kagamitan sa mga tauhang nasa tanghalan. Sa dulang ito, sagisag sa ihip ng hangin at pihit ng kapalaran ang dalawang korombo. Liban sa istruktura na anyong balkonahe sa kanan ng tanghalan at mala-balangkas ng dampa sa kaliwang panig, sayad sa lupa at hitik sa posibilidad ang pagiging payak sa kabuuan ng tanghalan. Sa ganitong kapayakan nakaka...
3 comments
Read more