Skip to main content

ALTA-PRESYONG MAHAL



Bago po simulan ang ating atungal

Tiyakin po lamang ang ating pagitan--

Isang kilometro, social distancing lang

Upang makaiwas sa Cupit-19 daw!


Tiyakin pong suot ang trapal sa mukha

Nang kapal ng mukha hindi mahalata--

Tayo ay aawit ng pasyon ng madla

Mambulahaw tayo, tumaghoy nang kusa...


Siguruhin na ring Alfonso Pilato

Pang-Hudas ng kamay at sikmura ninyo

Nang mahimasmasan sa pag-awit nito

At pagtampalasan sa sinumang Kristo.


H'wag nang magbibilang kung ilang negosyo

At kung ilang milyon, wala nang trabaho.

Kung kayo'y magutom, pati pamilya n'yo...

Magtiis, magsisi, sulong sa Kalbaryo!


Kung trilyo-trilyones na pirasong pilak

Pambili umano ng bakunang lunas--

Utang ina niyang tayo magbabayad

Fund gimmick po iyan ng mga Satanas...


Alta-presyong Mahal, aawit-awitin

Upang pandarambong ay hindi mapansin

At hindi maungkat fund-gimmick pa mandin

Na pang-ayuda daw sa bayang siniil.


Sa trilyo-trilyones, h'wag na pong magtaka

Kung saan napunta kung kanginong bulsa...

Taumbayan kasi ay tatanga-tanga

Sunod lang nang sunod, hindi umaalma.


Naghanda na sila lubid na buhangin

Ito'y isasaboy sa ating paningin,

No, they won't hang themselves, they won't do such a thing..

Bayan ang binigti ng mga salarin.


Halinang umawit, umawit po tayo

Tayong itinuring na mga tabogo.

Tayo'y umalulong na para bang aso--

Para sa kanilang papuntang impyerno.

Comments

Post a Comment

Popular posts from this blog

ALAMAT NG TAHONG

SAKBIBI ng agam-agam sa kalagayan ng butihing kabiyak-- at kabiyakan, opo-- na nakaratay sa karamdaman, ang pumalaot na mangingisda ay napagawi sa paanan ng dambuhalang Waczim-- isang bathala na nagkakaloob sa sinuman anumang ibulwak ng bibig mula sa bukal ng dibdib. Pangangailangan sa salapi na pambili ng gamot ng kapilas-pusong maysakit ang nakasaklot sa puso ng matandang mangingisda. 'Di kaginsa-ginsa'y bumundol ang kanyang bangka sa paanan ng Waczim. Kagy at umigkas ang katagang kimkim noon sa kanyang dibdib: "Salapi!" Bumuhos ng salapi-- mga butil at gilit ng ginto-- mula papawirin. At halos umapaw sa ginto ang bangka ng nagulantang na mangingisda, walang pagsidlan ang galak, at walang humpay ang pasasalamat sa mga bathala. Nanumbalik ang kalusugan ng kabiyak ng mangingisda. At lumago ang kabuhayan, naging mariwasa ang magkapilas-puso na dating maralita. Nilasing ng kanyang mga dating kalapit-bahay ang mangingisda-- na hindi ikina...
Post a Comment
Read more

Kuntaw

I T was more than an implement—tough as metal, soft as petal—wielded like lightning to repulse conquerors. Invading Mactan in 1521, Ferdinand Magellan and his men must have thought that their fabled Toledo steel swords would be more than a match more the island’s native defenders—they were dead wrong. The Spaniards never knew what hit them. In the 1900s, American occupation forces in Mindanao particularly in the Sulu islands found themselves under constant harassment from what they called “crazy hermits” or juramentados . The native fighters would fast for days, go through special religious rites, then go forth to storm American garrisons. Even as the .445 caliber pistol was plied out in 1911 to stop seemingly unstoppable fighters, the Americans still never knew what hit them. Looking back with pride at such points in history when their fighting mettle was unleashed in battle, Filipino Muslims, especially the Tausugs of Sulu will, with a little nudge and tug at their patriotic sentimen...
2 comments
Read more

LARAWANG KAPILAS-PUSO (Dulang Kyogen sa Pag-ibig at mga Musmos)

Mga Tauhan: Gombei, ang maghahabi Mariko, ang mananahi-mananandata, kabiyak ni Gombei Daimyo, ang panginoon ng kastilyo Mga Kanayon ni Gombei – pintor, panadero, magbubukid, tindera, atbp. Tatlong Paslit Tatlong Alalay ng Daimyo Dalawang Korombo bilang mga Diwata/Apsara sa Hangin Ilang Kataga sa Pagtatanghal at Tanghalan: Halaw sa isang kuwentong katutubo mula Japan ang akda. Isinalin sa anyong kyogen – dulang katatawanan, mula rin sa naturang bansa. Inangkin sa puso at binigyan ng mga sangkap na Pilipino. Karaniwang sangkap sa kyogen ang kunwa’y di-nakikitang korombo, nakasuot ng itim at madalas na tagapag-abot ng mga kagamitan sa mga tauhang nasa tanghalan. Sa dulang ito, sagisag sa ihip ng hangin at pihit ng kapalaran ang dalawang korombo. Liban sa istruktura na anyong balkonahe sa kanan ng tanghalan at mala-balangkas ng dampa sa kaliwang panig, sayad sa lupa at hitik sa posibilidad ang pagiging payak sa kabuuan ng tanghalan. Sa ganitong kapayakan nakaka...
3 comments
Read more