SA isang banatan, lima ang tumumba sa buga ng tingga ni Ka Abner Afuang… pero may mas iba pa palang nautas sa higit na naunang mga karanasan bilang pulis-Makati, noong Nemesio Yabut pa ang alkalde, naikuwento niya.
Nagkita kami sa Intramuros, tutuloy sana sa tunggaan… pero mas nag-iingat na si Ka Abner sa traydor na tambang ng low density lipoproteins or bad cholesterol. Kaya nagsalo na lang sa katas ng kahel na sangkatutak ang lamukot upang mailabas sa katawan ang labis na kamandag. Na mas matindi ang panganib.
Tukal o water lily ang pakay ko. Nabanggit niyang nagtusak ang ganoon sa kanyang bakasyunan sa Pagsanjan (tumakbo siyang muli bilang punong-bayan doon, hindi raw maatim na mambraso kaya hindi nanalo), kung may panahon… ubrang sadyain. Magbungkal at mag-uwi ng tukal.
Hindi ko nabanggit na mas matindi ang ginagawa niya. Fasting o ayuno na parang Indira Gandhi, Gautama Buddha o Hesukristo—pero hindi na kailangan pang maghalang ng mga kartelon at bandila upang maihayag ang siklab ng saloobin sa mga kinauukulan. Meron na rin siyang pitak sa pahayagan… na ang pinakahuling pakay na tudlain… Kris Aquino na tila nagiging pabigat pa raw sa kanyang kapatid na pangulo ng bansa.
Kung balak uli niyang tumakbong alkalde ng Pagsanjan sa 2013, nagsabi ang punong lalawigan ng Laguna na bahala itong tumustos sa kanyang kampanya… pero parang mas kuntento na siya sa mga mumunting kampanya sa pagsusulat… Scribere est agere, sabi nga—pagkilos ang pagsusulat… na madalas na mitsa rin ng buhay ng sumusulat.
Para naman daw makalikom ng pondo para sa mga pamilyang naulila ng mga pinaslang na peryodista, magpapanukala siya sa pamunuan ng National Press Club… run for a cause, kukuha ng mga sponsors upang mag-ambag ng kahit konting halaga na ibibigay sa mga pamilya ng mga nasawing kapatid sa pangangailangan.
Kasi nga, kapag hindi na kayang tumakbo, hindi na kayang sumabak sa sagupaan… ganoon ang napulot na payo mula Seven Samurai ni Akira Kurosawa.
Tiyak na magugunita rin sa Kasulatan ang kampanya sa pakikidigma ni Joshua noon… na kapag iniatas ni Yahweh na ubusin ang kalaban—matanda, babae, bata, pati mga alagang hayup at bawat kagamitan sa bahay pati pananamit—kailangang tuparin ang atas para umutas. May mga lahi na kinamumuhian ni Yahweh. Kinakatkat talaga sa balat ng lupa dahil hindi makadiyos ang halimbawa.
Mababanggit na rin ang tagubilin sa Bhagavad-Gita ng bathalang Krishna sa kanyang kinagigiliwang alagad na Arjuna… umani na lang siya ng tagumpay sa pagkitil sa buhay ng mga tao na matagal nang patay sa kanyang paningin.
Sa mga lihim na aralin naman sa ninjutsu o sining sa pakikilaban ng mga ninja, kasangkapan na lang ang ninja upang magpakamatay ang matagal nang patay na ayaw pang magmukmok na lang sa hukay…
Anupa’t higit na dapat mahintakutan ang wala sa katuwiran… sila ang pinapaksa ng pagpuksa.
Kabakas ang katotong Ka Abner sa mga ganoong layunin.
Nagkita kami sa Intramuros, tutuloy sana sa tunggaan… pero mas nag-iingat na si Ka Abner sa traydor na tambang ng low density lipoproteins or bad cholesterol. Kaya nagsalo na lang sa katas ng kahel na sangkatutak ang lamukot upang mailabas sa katawan ang labis na kamandag. Na mas matindi ang panganib.
Tukal o water lily ang pakay ko. Nabanggit niyang nagtusak ang ganoon sa kanyang bakasyunan sa Pagsanjan (tumakbo siyang muli bilang punong-bayan doon, hindi raw maatim na mambraso kaya hindi nanalo), kung may panahon… ubrang sadyain. Magbungkal at mag-uwi ng tukal.
Hindi ko nabanggit na mas matindi ang ginagawa niya. Fasting o ayuno na parang Indira Gandhi, Gautama Buddha o Hesukristo—pero hindi na kailangan pang maghalang ng mga kartelon at bandila upang maihayag ang siklab ng saloobin sa mga kinauukulan. Meron na rin siyang pitak sa pahayagan… na ang pinakahuling pakay na tudlain… Kris Aquino na tila nagiging pabigat pa raw sa kanyang kapatid na pangulo ng bansa.
Kung balak uli niyang tumakbong alkalde ng Pagsanjan sa 2013, nagsabi ang punong lalawigan ng Laguna na bahala itong tumustos sa kanyang kampanya… pero parang mas kuntento na siya sa mga mumunting kampanya sa pagsusulat… Scribere est agere, sabi nga—pagkilos ang pagsusulat… na madalas na mitsa rin ng buhay ng sumusulat.
Para naman daw makalikom ng pondo para sa mga pamilyang naulila ng mga pinaslang na peryodista, magpapanukala siya sa pamunuan ng National Press Club… run for a cause, kukuha ng mga sponsors upang mag-ambag ng kahit konting halaga na ibibigay sa mga pamilya ng mga nasawing kapatid sa pangangailangan.
Kasi nga, kapag hindi na kayang tumakbo, hindi na kayang sumabak sa sagupaan… ganoon ang napulot na payo mula Seven Samurai ni Akira Kurosawa.
Tiyak na magugunita rin sa Kasulatan ang kampanya sa pakikidigma ni Joshua noon… na kapag iniatas ni Yahweh na ubusin ang kalaban—matanda, babae, bata, pati mga alagang hayup at bawat kagamitan sa bahay pati pananamit—kailangang tuparin ang atas para umutas. May mga lahi na kinamumuhian ni Yahweh. Kinakatkat talaga sa balat ng lupa dahil hindi makadiyos ang halimbawa.
Mababanggit na rin ang tagubilin sa Bhagavad-Gita ng bathalang Krishna sa kanyang kinagigiliwang alagad na Arjuna… umani na lang siya ng tagumpay sa pagkitil sa buhay ng mga tao na matagal nang patay sa kanyang paningin.
Sa mga lihim na aralin naman sa ninjutsu o sining sa pakikilaban ng mga ninja, kasangkapan na lang ang ninja upang magpakamatay ang matagal nang patay na ayaw pang magmukmok na lang sa hukay…
Anupa’t higit na dapat mahintakutan ang wala sa katuwiran… sila ang pinapaksa ng pagpuksa.
Kabakas ang katotong Ka Abner sa mga ganoong layunin.
Comments