Skip to main content

पांगिल सा पंगिलिन



Pangil sa pangilin

APAT na kapatid sa hanapbuhay ang nakipagtipan sa kamatayan kamakailan, pawang nakababata sila sa inyong imbing lingkod… na patuloy ang walang humpay na pagpupugay at pangilin sa anghel ng kamatayan—Azrael, Osrail, Tar’athyail-- sa tuwina. Kaya yata nagkapangil mula pangilin, mwa-ha-ha-ha-haw!

‘Yung isa’y dinaluhong ng apat na lalaki—dalawa ang menor de edad—nang maalimpungatan sa pag-idlip sa panaderya. Hindi sumuong sa ulan, sumilong sa panaderya para magpalipas ng buhos-ulan, nakaidlip… at ‘yun nga, tinarakan. Pumalag kasi nang kinakapkap ang susi ng kanyang motorsiklo.

Aba’y tumpak pala ang diskarte sa Batangas ni Brig. Gen. J. Franklin Bell sa digmaang Pilipinas-US nitong 1900— tinotodas ang edad-10 pataas dahil tulad niyong dalawang menor de edad na dumaluhong sa pobreng peryodista sa Antipolo, ubra na silang lumikha ng perhuwisyo… kaya masayang itumba’t ilagak sa DSWD ang kanilang bangkay para mapangaralan ukol sa pananagutan sa anumang gawain.

Bangkay na tinanghal ang isang kapwa umaararo ng tudling. Atake sa puso. Aba’y mas masipag ‘yong magsulat kaysa sa kagaya kong nahihilig sa pagpagpag sa mga puson, oops, puso nga pala… kaya tuloy lang ang takal sa katawan ng 34 (ito lang ang kaya) push-ups sa umaga o bago matulog sa gabi.

Idagdag na rin ang 34 segundong bilang ng pagtayo na palad ang talampakan—I’ve since moved to bearing my 60-kilo body weight at the tips of 10 fingers, for 34 seconds a session.

Nilagnat nang unang tangkain ang ganoong pagtindig sa mga kamay. Nabigla yata ang kalamnan sa likod, balikat at bisig. Sabi nga, once the body-mind is stretched by a new idea, it never returns to its old dimensions. Mas madali pa rin na kayanin ang bigat ng katawan sa dulo ng mga daliri kaysa magbuhat ng sariling bangko.

And we’ve known a lot of achievers who make 365 laps by sitting throughout the year, mwa-ha-ha-haw!

Idagdag na rin ang pagsalok ng tubig sa poso sa umaga para magdilig ng mga alagang halaman sa aming bakuran… the series of pumping motions for drawing underground water suspiciously resembles the yagyu-ryu bamboo splitting technique with a sword, eh?

Masayang magdilig ng pananim. Mga ugat lang ang pakay na mapawi ang uhaw. Pero namumutawi ang siglang lunti at ngiti sa puno, sa salabat ng tangkay, sa wagayway ng dahon, pati sa pagsilang ng mga bagong usbong.

Tila yata pagdidilig lang ang tangka na pagbuhat sa sariling bigat sa dulo ng mga daliri. Nahapyawan ang isang sulatin na nagsasaad na gawi ng pagpapakumbaba—a gesture of humility—ang pagtindig sa sariling bumbunan, the so-called head stand in hatha yoga. Such a pose allows blood rushing in inundation of one’s brain.


Lilitaw sa ganoong pananaw na dagdag pang pagpapakumbaba ang pagbuhat sa sariling bigat sa dulo ng mga daliri.

Such a posture won’t allow one to throw his weight around… humility isn’t standing on one’s feet; humility becomes standing as a feat.

Kasi nga’y mahirap nang manindigan, gumawa ng hakbang sa mga sinusuong at pinapangahasang usapin—lalo na sa tulad namin na pagsusulat ang ikinabubuhay… kung hindi kaya sa sariling mga paa, baka makaya ang bigat ng kahit na sarili na lang sa mismong mga palad, sa mismong kamay… sa dulo mismo ng mga daliri na ihinahampas sa mga titik ng keyboard, ihinahalihaw sa kung sinu-sinong binabanatan sa panulat.

‘Hirap kasi talaga panindigan ang inilalahad ng palad sa pagsusulat, ‘di ba?

Comments

Popular posts from this blog

Baka talisay ang kailangan kung mabilis nilalabasan

KAMBAL na hitang nakabukaka ang pahayag—an open statement na hindi pinid at wala nang pasubali o baka masususugan pa. (“Susog” ang salitang ugat na katakam-takam talagang bigkasin dahil kung nanamnamin at hihimas-himasin para bang susong busog ang ibig sabihin.) We’re trying to make sense of a claim we stumbled into about the fruits of an ornamental tree. To wit: “The kernel of Indian almond has shown aphrodisiac activity, it can probably be used in treatment of some forms of sexual inadequacies (premature ejaculation).” For goodness’ sakes, what are those other forms of sexual inadequacies, er, shortages? What’s Indian almond? Higit nating kilala ang Indian almond bilang talisay. Tinatawag ding tropical almond, Java almond, Singapore almond, Pacific almond . Kilala din sa pangalang umbrella tree, badamier, ketapang, huu kwang , at sa mga botanist na mahilig sa boteny tulad ni Ama, Terminalia catappa . Makatas ang hinog na lamukot ng bungang talisay—karaniwang dilaw o namumula ang ku...

WHAT THE HECTARE!

In a passing conversation in Masbate, years back, I was told that a head of cattle-- fetched a live-weight price of P30,000 then-- is allocated a hectare of pasture to graze on as that area replenishes its growth of grass every 40 days or so. Minimum hectarage that Masbate cattle raisers have is 100 hectares for raising beef livestock.   The numbers had the weight of a rock conked on my head-- a hectare per cattle each worth P30K, chewing cud for 18 hours a day to gain semblance of weight. The pastures I've been taken to a hundred or so kilometers beyond Masbate city limits were a howling expanse of cogon. Cogon, whose blades are nearly entirely cellulose, or that which goes into cellophane wrappers for candies and cigarettes, or cellulose tape.   Cogon, infused in the proverbial "ningas-cogon" attitude of Filipinos for starting every endeavor like a house on fire, then, dying quickly into ashes.   So, I wondered aloud why it hasn't occurred to the provincial agricult...

ALAMAT NG TAHONG

SAKBIBI ng agam-agam sa kalagayan ng butihing kabiyak-- at kabiyakan, opo-- na nakaratay sa karamdaman, ang pumalaot na mangingisda ay napagawi sa paanan ng dambuhalang Waczim-- isang bathala na nagkakaloob sa sinuman anumang ibulwak ng bibig mula sa bukal ng dibdib. Pangangailangan sa salapi na pambili ng gamot ng kapilas-pusong maysakit ang nakasaklot sa puso ng matandang mangingisda. 'Di kaginsa-ginsa'y bumundol ang kanyang bangka sa paanan ng Waczim. Kagy at umigkas ang katagang kimkim noon sa kanyang dibdib: "Salapi!" Bumuhos ng salapi-- mga butil at gilit ng ginto-- mula papawirin. At halos umapaw sa ginto ang bangka ng nagulantang na mangingisda, walang pagsidlan ang galak, at walang humpay ang pasasalamat sa mga bathala. Nanumbalik ang kalusugan ng kabiyak ng mangingisda. At lumago ang kabuhayan, naging mariwasa ang magkapilas-puso na dating maralita. Nilasing ng kanyang mga dating kalapit-bahay ang mangingisda-- na hindi ikina...