NAKAHILIGAN ni Haring Bhumibol ng Thailand na mag-alaga ng orchids sa pagpihit ng dekada 1970.
Sa gitna ng salit-salitang agaw-renda sa gobyernong sibil ng mga estudyante at militar sa Bangkok sa maliyab na yugto ng kanilang kasaysayan, unti-unting umusbong ang mga inarugang orchids ni Haring Bhumibol.
Nahawa ang sambayanan sa tiwasay na halimbawa ng kinikilalang pinuno-- maraming nagkahilig sa pagkutkot ng mapagtatamnan ng orchids. Nag-alaga rin sila. Hindi lang orchids ang lumago. Hindi pa man pumapasok ang dekada 1980, pumagitna na ang Thailand bilang lider ng cutflower industry sa Asia.
Nagsimula nang makipaggitgitan sa Holland at Israel sa ganoong negosyo. Naitanan pa nga mula Davao ang ilang punla ng waling-waling, itinuturing na pinakamarikit na reyna ng Philippine orchids. Pakay ng mga Thai: gagawing palahian.
Kamukat-mukat: mahigit yatang 20 anak at apo ng Vanda sanderiana ang nailuwal ng mga Thai orchid breeders para maisalang naman sa pandaigdigang pamilihan.
Kapag inungkat ang ugat ng namulaklak-bumulas na dambuhalang industriya, matutunton sa napakapayak pero masigasig na halimbawa ni Haring Bhumibol sa pagpihit ng dekada 1970-- nakahiligang mag-alaga ng orchids.
Ituon ang pansin sa katagang "halimbawa."
Higit na matindi ang kapangyarihan ng halimbawa kaysa alinman, anumang iaatas o itatakda mula sinumang mataas ang antas ng katungkulan. The power of example far exceeds the authority of any rank.
Nang ipagtalakan ang todo-giyera kontra droga, tahasang lumutang na tila latak ang pagsasailalim sa drug test ng iba't ibang sektor ng sambayanan. Masakit din sa bulsa ang drug test-- P300 sa unang subukan, dagdag na P600 para sa katunayan o P900 na gastos.
Sa balik-eskuwela ng may 18 milyong estudyante sa bansa nitong Hunyo, pinaugong ang random drug test sa mga mag-aaral. Kuwentahin na lang sa 9 milyon na babayad ng P900, lumalagapak na P8.1 bilyon ang malulustay.
Isasalang daw sa drug test ang may 18,000 bilanggo sa National Bilibid Prisons. Para matukoy daw kung sino ang mga sugapa. Kuwentahin ang nasa likod ng ganoong kuwento.
Isasalang daw sa drug test ang may 200,000 yatang kapulisan sa bansa. Kuwentahin na lang po ang magugugol.
Isasalang din sa mandatory drug test ang mga kandidato sa halalang barangay. Tuusin pa rin, kahit sa tig-10 kandidatong kapitan at kagawad sa 42,000 barangay lang-- mga P378 milyon din.
Isasalang pa rin sa drug test ang mga tsuper. Ipalagay nang may tig-isang tsuper sa may 2 milyong sasakyang gumagalugad araw-araw sa Metro-Manila. Tiyak na tipak na salapi ang tatambad sa tuusan.
Kumakalabog na po ang kutob sa aming dibdib. Ang kutob: ang talagang ipapatupad ng kung sino mang gusto lang tumabo ng bilyones-- all-out drug test sa populasyon ng bansa.
Ah, kailangang maungkat kung sino ang kapural na drug test lords na magkakamal ng sandamukal na salapi.
Pansinin na may 1.5 milyon yatang sugapa sa droga na nakahalubilo sa populasyon. Para matukoy ang mga hinayupak na 'yon, isasalang naman ang mas malaking bulto ng populasyon sa P900 drug test/individual.
Nagbanta ng todo-giyera kontra droga. Kaibang halimbawa ang ipinakita. Kakatwang negosyo ang kikita.
Higit na matindi ang kapangyarihan ng halimbawa kaysa alinman, anumang iaatas o itatakda mula sinumang mataas ang antas ng katungkulan.
Kupkupin nawa sa kamay ng Dakilang Lumikha ang bawat sikap at atikha!
Sa gitna ng salit-salitang agaw-renda sa gobyernong sibil ng mga estudyante at militar sa Bangkok sa maliyab na yugto ng kanilang kasaysayan, unti-unting umusbong ang mga inarugang orchids ni Haring Bhumibol.
Nahawa ang sambayanan sa tiwasay na halimbawa ng kinikilalang pinuno-- maraming nagkahilig sa pagkutkot ng mapagtatamnan ng orchids. Nag-alaga rin sila. Hindi lang orchids ang lumago. Hindi pa man pumapasok ang dekada 1980, pumagitna na ang Thailand bilang lider ng cutflower industry sa Asia.
Nagsimula nang makipaggitgitan sa Holland at Israel sa ganoong negosyo. Naitanan pa nga mula Davao ang ilang punla ng waling-waling, itinuturing na pinakamarikit na reyna ng Philippine orchids. Pakay ng mga Thai: gagawing palahian.
Kamukat-mukat: mahigit yatang 20 anak at apo ng Vanda sanderiana ang nailuwal ng mga Thai orchid breeders para maisalang naman sa pandaigdigang pamilihan.
Kapag inungkat ang ugat ng namulaklak-bumulas na dambuhalang industriya, matutunton sa napakapayak pero masigasig na halimbawa ni Haring Bhumibol sa pagpihit ng dekada 1970-- nakahiligang mag-alaga ng orchids.
Ituon ang pansin sa katagang "halimbawa."
Higit na matindi ang kapangyarihan ng halimbawa kaysa alinman, anumang iaatas o itatakda mula sinumang mataas ang antas ng katungkulan. The power of example far exceeds the authority of any rank.
Nang ipagtalakan ang todo-giyera kontra droga, tahasang lumutang na tila latak ang pagsasailalim sa drug test ng iba't ibang sektor ng sambayanan. Masakit din sa bulsa ang drug test-- P300 sa unang subukan, dagdag na P600 para sa katunayan o P900 na gastos.
Sa balik-eskuwela ng may 18 milyong estudyante sa bansa nitong Hunyo, pinaugong ang random drug test sa mga mag-aaral. Kuwentahin na lang sa 9 milyon na babayad ng P900, lumalagapak na P8.1 bilyon ang malulustay.
Isasalang daw sa drug test ang may 18,000 bilanggo sa National Bilibid Prisons. Para matukoy daw kung sino ang mga sugapa. Kuwentahin ang nasa likod ng ganoong kuwento.
Isasalang daw sa drug test ang may 200,000 yatang kapulisan sa bansa. Kuwentahin na lang po ang magugugol.
Isasalang din sa mandatory drug test ang mga kandidato sa halalang barangay. Tuusin pa rin, kahit sa tig-10 kandidatong kapitan at kagawad sa 42,000 barangay lang-- mga P378 milyon din.
Isasalang pa rin sa drug test ang mga tsuper. Ipalagay nang may tig-isang tsuper sa may 2 milyong sasakyang gumagalugad araw-araw sa Metro-Manila. Tiyak na tipak na salapi ang tatambad sa tuusan.
Kumakalabog na po ang kutob sa aming dibdib. Ang kutob: ang talagang ipapatupad ng kung sino mang gusto lang tumabo ng bilyones-- all-out drug test sa populasyon ng bansa.
Ah, kailangang maungkat kung sino ang kapural na drug test lords na magkakamal ng sandamukal na salapi.
Pansinin na may 1.5 milyon yatang sugapa sa droga na nakahalubilo sa populasyon. Para matukoy ang mga hinayupak na 'yon, isasalang naman ang mas malaking bulto ng populasyon sa P900 drug test/individual.
Nagbanta ng todo-giyera kontra droga. Kaibang halimbawa ang ipinakita. Kakatwang negosyo ang kikita.
Higit na matindi ang kapangyarihan ng halimbawa kaysa alinman, anumang iaatas o itatakda mula sinumang mataas ang antas ng katungkulan.
Kupkupin nawa sa kamay ng Dakilang Lumikha ang bawat sikap at atikha!
Comments